Аймгийн МХГ, БОАЖГ-ын мэргэжилтнүүдтэй хамтран Сэлэнгэ аймагт Ковид-19 цар тахлын дараах аялал жуулчлалын салбарыг хөгжүүлэхэд тулгамдаж буй асуудалд үнэлгээ хийх, энэ чиглэлийн үйл ажиллагаа эрхлэгч төрийн болон төрийн бус байгууллагуудын уялдаа холбоог сайжруулах, жуулчинд ээлтэй орчин нөхцөл бүрдүүлэх, холбогдох стандартын шаардлагыг хангуулах, үйлчилгээний чанарыг сайжруулах зорилгоор аялал жуулчлалын үйл ажиллагаа эрхлэгч жуулчны бааз, амралтын газруудын үйл ажиллагаанд хяналт шалгалт хийлээ.
Тус ажлын хэсэг нь батлагдсан удирдамжийн хүрээнд Мандал сумын "Түнхэл тур", "Ноён тур", "Тарни", "Дөрвөн бэрх" амралтын газар, Алтанбулаг сумын "Нандин", "Хонд рашаан" амралтын газрын үйл ажиллагаанд магадлах аудит хийж, Баруунбүрэн, Жавхлант, Шаамар, Алтанбулаг сумын "Номтын ам", "Сайханы хөтөл"-д байрладаг 18 амралтын газар, жуулчны баазад MNS 6043:2019 стандартын дагуу тохирлын үнэлгээ хийж, стандартын шаардлага хангасан 2 амралтын газарт тохирлын гэрчилгээ олгохоор шийдвэрлэв.