Аймгийн Засаг даргын 2021-2024 оны үйл ажиллагааны хөтөлбөрт тусгагдсан зорилт арга хэмжээг хэрэгжүүлэх ажлын хүрээнд 2024 оны орон нутгийн төсвийн санхүүжилт 72 сая төгрөгөөр электрон, механик 3 фазын тоолуур шалгах төхөөрөмжийг дагалдах хэрэгслийн хамт аймгийн Стандарт, хэмжил зүйн хэлтэст хүлээлгэн өглөө. Ийнхүү аймгийн Стандарт, хэмжил зүйн хэлтэс цахилгааны тоолуур шалгах төхөөрөмжтэй болсноор орон нутгийн хэрэглэгчдэд чирэгдэлгүй хөнгөн шуурхай үйлчлэх боломж нөхцөл бүрдэж, цахилгаан хэмжлийн лабораторийн техникийн чадавх сайжирч, иргэдийн хэлж заншсанаар 380 вольтын цахилгааны тоолуурыг шалгаж баталгаажуулдаг боллоо.
2024 оны 5 дугаар сарын 30-ны өдөр “Газрын тосны салбарын ажилтны өдөр” ба “Дэлхийн хэмжилзүйн өдөр” -ийг тохиолдуулан Шатахуун түгээх газрын ажилтнуудын дунд сургалт мэдээлэл зохион байгуулж, тэдгээрийн мэдлэг, чадварыг дээшлүүлэх, харилцан туршлага солилцох, хамтын ажиллагааг өргөжүүлэх зорилгоор сургалт зохион байгуулж нийт 44 шатахуун түгээх ажилтнууд хамрагдлаа. Тус сургалтаар "Стандартын тухай ойлголт", "Хэмжилзүйн хяналт шалгалтын тухай", "Галын аюулгүй байдал", ШТС-ын стандартын тухай" мэдээлэлийг Стандарт, хэмжил зүйн хэлтэс,Газрын тосны газрын төлөөлөгч, Онцгой байдлын газрын мэргэжилтэн нар тус тус өгсөн.
Жил бүрийн 03 дугаар сарын 15 өдөр Хэрэглэгчийн эрхийг хамгаалах олон улсын өдөр тохиож байна. Энэ жилийн уриа нь "Хэрэглэгчийн төлөө шударга хариуцлагатай хиймэл оюун ухаан" гэсэн уриатайгаар тэмдэглэн өнгөрүүлж байна. Хэрэглэгч бүрийн үндсэн эрх нь мэдээлэл авах, хэрэглээний аюулгүй байдал, сонгох, санал гомдлоо хэлэх эрх гэсэн үндсэн зарчим дээр тогтдог. Түүнчлэн хэрэглэгч бүр эрүүл орчинд үйлчлүүлэх, үндсэн хэрэгцээгээ хангуулах, хэрэглэгчийн боловсрол эзэмших, шаардлагатай тохиолдолд учирсан хохирлоо нөхөн төлүүлэх эрхтэй Нийт хэрэглэгч нартаа баярын мэнд дэвшүүлье.
Хөгжилд тэмүүлсэн 100 жил он дарааллын товчоон номоо иргэдийн СТАНДАРТ, ХЭМЖИЛЗҮЙН талаархи ойлголтыг нэмэгдүүлэх зорилгоор Аймгийн Нийтийн номын санд байршуулахаар захирал С.Шинэчимэгт гардуулан өглөө.
АЛТ, МӨНГӨ, ҮНЭТ ЭДЛЭЛИЙН ҮЙЛ АЖИЛЛАГАА ЭРХЭЛДЭГ ИРГЭД, ААНБ-д ЗОРИУЛСАН СУРГАЛТ ЗОХИОН БАЙГУУЛЛАА. Стандарт хэмжил зүйн газар болон Санхүүгийн зохицуулах хорооноос хамтран зохион байгуулсан "Сорьцын хяналтын улсын байцаагчид болон Үнэт металл, үнэт чулууны эдлэлийн арилжаа эрхлэгчдэд зориулсан сургалтад Сэлэнгэ аймгийн СХЗХ-ийн Сорьцын хяналтын ахлах байцаагч, улсын байцаагч,Сэлэнгэ аймагт үнэт эдлэл худалдан борлуулах үйл ажиллагаа эрхэлдэг ААНБ болон иргэд оролцлоо.
2024 ОНЫ ГҮЙЦЭТГЭЛИЙН ТӨЛӨВЛӨГӨӨГӨӨ БАТЛУУЛЛАА Сэлэнгэ аймгийн Стандарт хэмжил зүйн хэлтсийн хамт олон 2024 оны гүйцэтгэлийн төлөвлөгөөгөө боловсруулж гарын үсэг зурж баталгаажууллаа. Ажлын өндөр амжилт хүсье.
АЖЛЫН БАЙРАНД УРЬЖ БАЙНА Стандарт, хэмжил зүйн хэлтсийн итгэмжлэгдсэн сорилтын лабораторид Албан тушаалын нэр: Лабораторийн шинжээч /нян судлал/ Албан тушаалын зэрэглэл: Төрийн үйлчилгээ, ТҮ-6 Тавигдах болзол, шаардлага: Боловсрол: Бакалавр ба түүнээс дээш боловсролын зэрэгтэй Мэргэжил - биологи /051101/ - био анагаах ухаан /091401/ - бичил амь судлал /091209/ - молекул биологи /091210/ Мэргэшил MNS ISO/IEC 17025 стандартын дагуу богино болон дунд шатны сургалтуудад хамрагдсан байх. Туршлага - Мэргэжлээрээ лабораторид 1-ээс доошгүй жил ажилласан байх. Бүрдүүлэх материал • Төрийн албан хаагчийн анкет • Иргэний үнэмлэхийн хуулбар • Боловсролын түшинг тодорхойлсон баримт бичиг/диплом/ • Мэргэшүүлэх сургалтад хамрагдсаныг гэрчлэх баримт бичиг; • Нийгмийн даатгалын дэвтэр/Хөдөлмөрийн дэвтэр/-ийн хуулбар, цахим лавлагаа; • Иргэний эрүүгийн хариуцлага хүлээж байсан эсэх тухай тодорхойлолт/ e-mongolia- ас татан авах Материал хүлээн авах: Selenge@masm.gov.mn Холбоо барих утас: 99159540, 99169965