Стандарт, хэмжил зүйн газраас 2024 оныг "Стандартын хэрэгжилтийн үр дүнг нэмэгдүүлэх" жил болгон зарласан. Ховд аймгийн Стандарт хэмжил зүйн хэлтэс стандартын хэрэгжилтийн үр дүнг нэмэгдүүлэх зорилготой 2024 оны анхны сургалтаа Ховд аймгийн "Хөгжлийн бэрхшээлтэй хүний хөгжлийн төв" дээр зохион байгууллаа.
Сургалтанд Монгол улсад мөрдөгдөж байгаа Стандартуудын мэдээллийн нэгдсэн сангийн тухай, түүн дотор мөрдөгддөг хөгжлийн бэрхшээлтэй иргэдтэй холбоотой MNS 5798 : 2016
Хэрэглэгчдэд зориулсан үйлчилгээ - Хөгжлийн бэрхшээлтэй хүний асрамжийн үйлчилгээнд тавих нийтлэг шаардлага
MNS 6752 : 2019
Хөгжлийн бэрхшээлтэй хүнийг хамт олонд түшиглэн хамруулан хөгжүүлэх үйлчилгээ
MNS 6055 : 2009
Иргэний барилгын төлөвлөлтөд хөгжлийн бэрхшээлтэй хүний шаардлагыг тооцсон орон зай, орчин. Үндсэн шаардлага
MNS 6419 : 2021
Хөгжлийн бэрхшээлтэй хүүхдийн сэргээн засалт, хөгжлийн төвийн бүтэц, үйл ажиллагаа, үйлчилгээнд тавих ерөнхий шаардлага
MNS 5682 : 2006 Явган хүн, хөгжлийн бэрхшээлтэй иргэдэд зориулсан зам. Техникийн шаардлага гэсэн 5 стандартын талаар товч танилцуулга хийж мэдээлэл солилцов.
Тус төв нь 2023 оноос шинээр үйл ажиллагаагаа эхлүүлж байгаа бөгөөд хөгжлийн бэрхшээлтэй иргэдэд үйлчлэх стандартын шаардлагыг хангасан ажлын байранд үйл ажиллагаа явуулдагаараа онцлог. Сургалтыг сургалт, хариуцсан мэргэжилтэн Ц.Цолмонбаатар зохион байгуулж нийт 15 албан хаагч оролцож харилцан ярилцлаа.