Ховд аймгийн Эрүүл мэндийн газрын даргаас өгсөн чиглэлийн дагуу Эрүүл ахуй, халдвар хамгааллын хяналтын улсын байцаагч Д.Лхагвасүрэн, Стандарт, хэмжил зүйн хэлтсийн мэргэжилтэн Н.Рэгзэдмаа нар аймгийн төвд үйл ажиллагаа явуулж байгаа 12 ресторанд 03 дугаар сарын 22-24-ны хооронд хяналт шалгалт хийлээ. Шалгалтаар ресторан, зоогийн газруудын хоолны илчлэг, шимт бодисын хэмжээг тогтоолгож хоолны цэсэд тусгуулах, “Хоол үйлдвэрлэл, үйлчилгээний газарт тавих шаардлага” MNS 4946:2019 стандартыг хэрэгжүүлэх шаардлага тавив. Мөн давсны хэрэглээг бууруулах зорилгоор давсыг хэрэглээгээр нь тавьж өгөхийг зөвлөлөө.