Аймгийн төрийн байгууллагуудын дунд зохион байгуулсан "Хүмүүн бичиг-Хүн бүрийн бичиг" уралдааны 2-р шатны шалгаруулалтын уралдаан амжилттай боллоо.
Тэргүүн байранд Стандарт хэмжил зүйн хэлтсийн “Тэнгэрийн бичигтэн” баг, Дэд байранд Гадаадын иргэн харьяатын газрын “Гэрэгэ” баг, Гутгаар байранд Засаг даргын тамгын газрын “Хос бичигтэн” баг тус тус шалгарлаа.
Үндэсний дархлаа болсон монгол бичгээ дээдлэн уралдаанд идэвх санаачилгатай оролцсон тэргүүн байрыг 500.000 төгрөг, дэд байрыг 400.000 төгрөг, гутгаар байрыг 300.000 төгрөгөөр шагнаж, оролцсон нийт багуудыг Өргөмжлөл, монгол хэл, монгол бичгийн толь бичгээр урамшууллаа.
Мөн “Саадгүй уншигч”-аар С.Цэцэгсүрэн /ГИХГ/, н.Бадрал /Аудитын газар/, З.Уянга /ЗДТГ/, А.Хуанбай /ГИХГ/, “Сайн хөрвүүлэгч”-ээр Ц.Цолмонбаатар, М.Батбилэг /Стандарт хэмжилзүйн газар/, н.Тамир /ЗДТГ/, Д.Батцэцэг /1-р цэцэрлэг/ тус тус шалгарлаа.
Тус үйл ажиллагаанд аймгийн Засаг даргын Тамгын газар, Хэлний бодлогын салбар зөвлөл, Боловсрол, шинжлэх ухааны газар, Соёл, урлагийн газар хамтран ажиллаж, зохион байгуулсан Д.Олонбаяр /Хэлний бодлогын салбар зөвлөлийн нарийн бичиг, БШУГ-ын мэргэжилтэн/, Д.Бадамцэцэг /Хэлний бодлогын салбар зөвлөлийн гишүүн, СУГ-ын мэргэжилтэн/, М.Сарантуяа /6-р сургуулийн МХУЗ-ын багш, МУ-ын зөвлөх багш/, Д.Цэнд-Аюуш /1-р сургуулийн МХУЗ-ын багш/ нартаа талархал илэрхийлье.
Энэхүү үйл ажиллагаанд идэвх санаачилгатай оролцсон нийт 18 байгууллагын 90 гаруй албан хаагчдадаа ажил үйлсэд нь амжилт хүсье.
Бичиг үсгийн баярын үйл ажиллагааг дэмжин санхүүжилтийг шийдвэрлэсэн Ховд аймгийн Хэлний бодлогын салбар зөвлөлийн дарга, Засаг дарга Э.Болормаа, Хэлний бодлогын салбар зөвлөлийн дэд дарга, Засаг даргын орлогч Т.Дэлгэрсайхан нартаа Ховдчуудынхаа нэрийн өмнөөс талархал илэрхийлье.