Иргэд олон нийтэд Стандарт, хэмжил зүйн газар үйл ажиллагаагаа танилцуулах, иргэд өөрт хэрэгтэй үйлчилгээг хэрхэн, яаж авах болон стандартын тодорхой ойлголт өгөх зорилгоор өнөөдөр “иргэдэд ээлтэй өдөрлөг” зохион байгуулж, амжилттай өндөрлөлөө.

Уг нээлттэй хаалганы өдөрлөгт Стандарт, хэмжил зүйн газрын дэргэдэх Хүнсний аюулгүй байдлын үндэсний лавлагаа лаборатори, Сорьцын хяналтын

газар, Хэмжих хэрэгслийн, шалгалт баталгаажуулалтын газар, Стандартчилал, тохирлын үнэлгээний бодлогын газар, Нийслэлийн лаборатори, Бүтээгдэхүүн тогтолцооны баталгаажуулалтын газар, Мэдээллийн технологи, стандартын лавлагаа, сургалтын төв болон 21 аймгийн стандарт, хэмжил зүйн хэлтсүүд оролцлоо.

Мөн хүрэлцэн ирсэн иргэдийн дунд нээлттэй микрофон ажиллаж, стандартын талаархи иргэдийн дуу хоолойг сонслоо. Нээлттэй микрофонд Томоко Ибүкүро, "Хашаандаа сайхан амьдаръя" ТББ-ын тэргүүн Ц.Түмэнбаяр, Оюутан Н.Лхагвабаяр, Иргэдийн төлөөлөл Г.Майцэцэг, Орон нутгаас Хөвсгөл, Булган аймгийн иргэд, Хөгжлийн бэрхшээлтэй иргэдийн төлөөлөл Д.Бадамханд нар оролцож, өөрсдийн үзэл бодлоо илэрхийллээ.

Иййнхүү төрийн үйлчилгээг иргэдэд нээлттэй шуурхай, нэг цэгээс хүргэх, зөвлөгөө мэдээлэл өгөх, иргэдийн санал хүсэлтийг сонсох, зохих түвшинд шийдвэрлэх зорилгоор 2023 оны 09 дугаар сарын 28-ны танилцуулга материалыг тарааж, зөвлөгөө мэдээллийг хүргэн ажиллалаа.

Дундговь аймгаас тус өдөрлөгт хүнсний манлай үйлдвэр "Мандалговь хүнс" ХХК, "Урам кидс" ХХК, иргэн Отгонбаатар, Наран нар өөрсдийн үйлдвэрлэдэг бүтээгдэхүүнээр оролцон борлуулалт хийж, бүтээгдэхүүн үйлчилгээгээ сурталчиллаа.