Стандарт хэмжил зүйн хэлтсийн даргын баталсан удирдамжийн дагуу Хэмжих хэрэгслийн баталгаажуулалтын мэргэжилтэн Б.Батцоож, Б.Отгонсүрэн, Бүтээгдэхүүн баталгаажуулалтын мэргэжилтэн Б.Бямбажав, жолооч Б.Эрдэнэбаатар нарын бүрэлдэхүүнтэй Аймгийн зүүн талын Гурвансайхан, Өндөршил, Баянжаргалан, Говь-Угтаал, Цагаандэлгэр, Дэрэн, Дэлгэрцогт, Өлзийт зэрэг суманд 2024.05.20-05.23-ны хооронд хэмжих хэрэгслийн ээлжит баталгаажуулалтын ажлыг хийж гүйцэтгэлээ.

       Худалдаа үйлчилгээ эрхэлдэг аж ахуйн нэгж, иргэний 20 газарт тохирлын үнэлгээ хийж MNS 5021-1:2023 Жижиглэн худалдааны газар түүний үйлчилгээ. Ерөнхий шаардлага, стандартыг хангуулан 1-3 жилийн хугацаагаар тохирлын гэрчилгээ сунгалаа.  

       Сумдад үйл ажиллагаагаа явуулж байгаа тусгай зөвшөөрөлтэй 13 аж ахуй нэгж байгууллагын 38 ш түгээгүүрийг МNS 3015:2014 - Шатахуун түгээгүүр шалгах арга хэрэгсэл гэсэн стандартын дагуу тус бүрийн хэмжилтийг хийж ээлжит баталгаажуулалтад хамрууллаа.

       Массын хэмжил зүйн чиглэлээр сумдын Сургууль, Цэцэрлэг, Эрүүл мэндийн төв, Хүнсний жижиглэн худалдаа эрхэлдэг аж ахуй нэгж, иргэдийн хүнсний дэлгүүр, мухлаг, худалдааны төвийн үйл ажиллагаандаа ашигладаг 75 ш электрон болон эмнэлгийн жинг шалгаж баталгаажуулан гэрчилгээ олголоо.