Дэлхийн чанарын долоо хоногийн хүрээнд БАЙГУУЛЛАГА ДАХЬ БҮТЭЭМЖИЙН ОРЧИН ҮЕИЙН ЧИГ ХАНДЛАГА сэдэвт эрдэм шинжилгээ, онол практикийн бага хурал /2022.11.04/ боллоо.
Энэ удаагийн арга хэмжээ төвийн бүсийн аймгуудыг хамруулан танхим болон цахимаар болж байгаагаараа онцлог боллоо.
Тухайлбал Эрдэнэт үйлдвэр ТӨҮГ-ын бүтээмж инновацийн газар, МУИС-ийн карьер хөгжлийн төв, ШУТИС-ийн Бизнес удирдлага хүмүүнлэгийн сургууль, ШУТИС-ийн Дархан Технологийн сургууль, ХААИСургууль, АШУҮИС-ийн Дархан дахь Анаагах ухааны сургууль, Хүмүүнлэгийн их сургууль, ДДЦСтанц ТӨХК, ЦДҮСүлжээ ТӨХК, ДДСүлжээ ТӨХК-ийн бүтээмж чанарын баг, Эрүүл мэндийн газар, Энх уламжлал эмнэлэг, Цээнэ эмнэлэг, 21 аймгийн Стандарт хэмжилзүйн хэлтсийн мэргэжилтнүүд зэрэг танхимаар 80 гаран, цахимаар 61 орчим ААНБ, иргэд оролцлоо.
Арга хэмжээний үеэр олон улсын менежментийн тогтолцооны стандартыг нэвтрүүлсэн Дарханы төмөрлөгийн үйлдвэр ТӨХК, Дарханы дулааны цахилгаан станц ТӨХК, Онцгой байдлын газар, Нийгмийн даатгалын хэлтэс, АШУҮИС-ийн Дархан дахь Анаагах ухааны сургууль, Энх уламжлал эмнэлэг, ДСЦТСүлжээ ХК зэрэг байгууллагууд менежментийн тогтолцоог хэрхэн нэвтрүүлсэн талаарх өөрсдийн туршлага, мэдээллээ хуваалцан, үзэсгэлэн гаргаж үйл ажиллагаагаа сурталчилахын зэрэгцээ “Чанарын аялал”-ыг зохион байгуулж, менежментийн тогтолцооны стандартыг нэвтрүүлэхээр зорин ажиллаж байгааг танилцуулав.
Дархан-Өргөө политехник коллежийн чанарын багийн гишүүдийг дээрх байгууллагуудын менежментийн тогтолцоог нэвтрүүлсэн баримт бичгүүд болон арга туршлагатай танилцууллаа.
Мөн арга хэмжээний менежментийн тогтолцоог үйл ажиллагаандаа нэвтрүүлэн, хамт олноо удирдан манлайлан ажиллаж, хэрэглэгчдийг чанартай, аюулгүй бүтээгдэхүүн, үйлчилгээгээр ханган ажиллаж байгаа Энх уламжлал эмнэлэгийн чанарын менежер Л.Даваадуламыг аймгийн ШИЛДЭГ ЧАНАРЫН МЕНЕЖЕРЭЭР, Дархан меат фүүдс ХХК-ийн хамт олныг ЧАНАРЫГ ЭРХЭМЛЭГЧ ХАМТ ОЛОН-оор шалгаруулан алдаршуулж, өргөмжлөл цом гардууллаа.
Эрдэм шинжилгээний бага хурлаар хэлэлцэгдсэн нийт илтгэлүүдээр ном товхимол гаргаж нийтийн хүртээл болгох бөгөөд багш судлаачид, оюутны илтгэлүүдээс тус бүр 1, 2, 3-р байр эзлүүлж өргөмжлөл, мөнгөн шагнал гардуулна.
Хурлыг Дархан-Уул аймгийн ЗДТГ, СХЗХ, ШУТИС хамтран зохион байгууллаа.
Дэлхийн чанарын өдөр жил бүрийн 11-р сарын эхний 7 хоногт тохиодог бөгөөд энэ жил “Байгууллага дахь бүтээмжийн орчин үеийн чиг хандлага” сэдвийн дор төвийн бүсийн хүрээнд эрдэм шинжилгээ, онол практикийн хурал, “Чанарын аялал”, “Стандарт, чанарын хэрэгжилт” сэдвээр хэлэлцүүлгийг аймгийн ЗДТГ, Стандарт хэмжилзүйн хэлтэс, ШУТИС-ийн Дархан Технологийн сургууль хамтран зохион явууллаа.
