Дархан-Уул аймгийн ЗДТГазар, Хүнс хөдөө аж ахуйн газар, Хөдөлмөр халамжийн үйлчилгээний газартай хамтран Дархан хот байгуулагдсаны 60, 61 жилийн ойн баярыг тохиолдуулан 2022 оны 09-р сарын 26-аас 10 сарын 02-ны өдрүүдэд Найрамдал талбайд “Дархан брэнд, шилдэг бүтээгдэхүүн-2022”, “Намрын ногоон өдрүүд” үзэсгэлэн худалдаа, “Хөдөлмөрийн яармаг” нэгдсэн арга хэмжээг зохион байгууллаа.
Үзэсгэлэн худалдаанд Дархан-Уул аймгийн үйлдвэрлэл болон газар тариалан эрхлэгчид нийт 50 орчим аж ахуйн нэгж, өрхийн үйлдвэрлэгчид, иргэд оролцож, хөнгөлөлттэй худалдаагаар 5 өдрийн турш иргэд үйлчлүүлэгчдэдээ үйлчилж өөрийн бүтээгдэхүүнийг таниулан сурталчиллаа.
Аймгийн Хөгжлийн бодлого төлөвлөлт, хөрөнгө оруулалтын хэлтэс, Стандарт, хэмжилзүйн хэлтэс, Хүнс хөдөө аж ахуйн газрын мэргэжилтнүүдээс бүрдсэн шалгаруулалтын комисс аймгийн брэнд, шилдэг бүтээгдэхүүн болон үзэсгэлэн худалдааны шилдгүүдийг шалгарууллаа.
1. Шилдэг өрхийн үйлдвэрлэл эрхлэгч хамт олноор Хонгор сумын “Эгч дүүс” бүлэг,
2. Шилдэг зөгийн аж ахуй эрхлэгч хамт олноор “Мөнхөд үржих зөгий” хоршоо тус тус шалгарчээ.
3. Шилдэг хүнсний бүтээгдэхүүнээр “Дархан цасхан сүү” ХХК-ийн “Цөцгийтэй тараг”
4. Шилдэг аж үйлдвэрийн бүтээгдэхүүнээр “Хатан ивээл хайрхан” ХХК-ийн “Уулын гутал К-19”
5. Аймгийн Брэнд бүтээгдэхүүнээр “Улаанбаатар гурил” ХХК-ийн “Овьёостой гурил” тус тус шалгарлаа.
Нийт шалгарсан хамт олондоо болон бүх сайхан Үндэсний Брэнд бүтээгдэхүүнд үйлдвэрлэгч нартаа ажлын өндөр амжилтыг хүсэн ерөөе.
![](https://masm.gov.mn/da/images/news/1664869498_310021032_632279288604236_6956304349175840737_n.jpg)
![](https://masm.gov.mn/da/images/news/1664869992_309451044_427283706200532_7791245718038293505_n.jpg)
![](https://masm.gov.mn/da/images/news/1664870085_309460007_499071308451863_6260093261450679026_n.jpg)
![](https://masm.gov.mn/da/images/news/1664870113_309660892_636133481351280_8889592602207945715_n.jpg)
![](https://masm.gov.mn/da/images/news/1664870142_309691024_467485465411517_655867414531447935_n.jpg)
![](https://masm.gov.mn/da/images/news/1664870173_309863760_1495045680993821_1830024760815628622_n.jpg)