Хэрэглэгчийн эрхийг хамгаалах тухай, Стандартчилал, техникийн зохицуулалт, тохирлын үнэлгээний итгэмжлэлийн тухай, Хэмжилзүйн тухай, Өрсөлдөөний тухай, Зар сурталчилгааны тухай хууль тогтоомжууд болон Засгийн газрын 2022 оны 05 дугаар сарын 18 ны өдрийн 199 -р тогтоолын дагуу Шударга өрсөлдөөн хэрэглэгчийн төлөө газрын улсын байцаагч З.Насанбатаар ахлуулан Мэргэжлийн хяналтын газрын улсын байцаагч П.Энхтүвшин, Стандарт хэмжилзүйн хэлтсийн мэргэжилтэн Д.Болортуяа, Д.Нарантуяа, Дархан сумын мэргэжилтэн Г.Гэрэлмаа, Хэрэглэгчийн эрх ашгийг хамгаалах нийгэмлэгийн тэргүүн Ч.Даваахүү, Цагдаа олон нийтийн ахмад байцаагч М.Чулуунбат гэсэн бүрэлдэхүүнтэйгээр Дархан -Уул аймагт үйл ажиллагаа явуулж буй 23 супермаркет, хүнсний сүлжээ дэлгүүрүүд, зах худалдааны төвүүдээр хяналт шалгалт хийж, хэрэглэгчдээс судалгаа мэдээлэл авч ажиллаа. Тус шалгалтыг MNS 5021-1:2019 Жижиглэн худалдааны газар, түүний үйлчилгээ. ерөнхий шаардлага стандартын дагуу хийсэн ба үнийн зөрүү, бүтээгдэхүүний хугацаа, худалдааны жингийн баталгаа, худалдагчийн үнэмлэх, эрүүл ахуйн шаардлага, хаяг шошиг, хурдан гэмтдэг бүтээгдэхүүний хадгалалт, лангуу тавиур, агуулахад бараа бүтээгдэхүүний хадгалалт зэргийг шалгасан.
Алдаа дутагдал гарсан дэлгүүрүүдэд дутагдлыг газар дээр тайлбарлан хэлж 7 хоногийн хугацаатай албан мэдэгдлүүд өгч гүйцэтгэлийг хангуулан ажиллаа.