"СТАНДАРТ БА ХӨГЖИЛ" үндэсний хөтөлбөрийн төсөлд санал авах нээлттэй хэлэлцүүлгийг 2023 оны 03 дугаар сарын 03-ны өдөр АШУҮИС Дархан-Уул аймаг дахь Анагаах Ухааны сургуулийн хурлын танхимд зохион байгууллаа. Тус арга хэмжээнд Стандарт Хэмжилзүйн газрын Хяналт шинжилгээ, дотоод аудитын газрын дарга С.Батбаатар, Стандартчилал, тохирлын үнэлгээний бодлогын газрын дарга Д.Даваасүрэн, СХЗГын ЗУГ -ын ахлах мэргэжилтэн Б.Эрхүү, Аймгийн засаг даргын орлогч Б.Жавхлан, Хөгжлийн бодлого, төлөвлөлт, хөрөнгө оруулалтын хэлтсийн дарга П.Батсүх, хэлтсийн дарга Б.Цэвээндорж, нийт албан хаагчид болон орон нутгийн эрчим хүч, дэд бүтэц, газрын тос, уул уурхай, хүнсний үйлдвэрлэл, худалдаа үйлчилгээний салбар, их дээд сургуулийн төлөөллүүд зэрэг 153 байгууллагын 164 иргэний оролцоотойгоор зохион байгууллаа. Хэлэлцүүлэгт оролцогчид хөтөлбөртэй холбоотой болон цаашид өөрчлөлт, шинэчлэлт оруулах шаардлагатай стандартын талаарх санаа бодлоо илэрхийллээ.
Энэхүү хөтөлбөр нь Үндэсний чанарын дэд бүтцийн эрхзүйн орчныг олон улсын жишигт хүргэж, боловсронгуй болгох замаар бүтээгдэхүүн, үйлчилгээний чанар, аюулгүй байдлыг хангаж, эдийн засгийн өрсөлдөх чадварыг дээшлүүлэх зорилготой юм.