XI сарын эхний долоо хоногийг Дэлхийн чанарын долоо хоног болгон тэмдэглэн өнгөрүүлдэг бөгөөд манай улс энэ онд “Чанар-Стандартын хэрэгжилт” уриатай тэмдэглэж байна. Дэлхийн чанарын өдрийг тохиолдуулан Стандарт, хэмжил зүйн хэлтсийн дарга, Сорьцын хяналтын улсын байцаагч Х.Тилеген 2022 оны 11 дүгээр сарын 10-ны өдөр Үнэт эдлэл худалдан борлуулдаг 6 дэлгүүрийн үйл ажиллагаанд сорьцын хяналт, шалгалтыг зөвлөн туслах хэлбэрээр зохион байгууллаа. Үнэт эдлэл худалдан борлуулагч нарт Стандартчилал, техникийн, зохицуулалт, тохирлын үнэлгээний тухай хууль, Үнэт эдлэлийн худалдаа, сорьцын баталгаа , “MNS 6506:2015 Мөнгөн аяга. Ерөнхий шаардлага” стандарт, Монгол Улсын сорьцын хяналтын дүрмийг товч танилцуулан зөвлөгөө өгч ажиллав. Мөн салбарын хууль, тогтоомж, журмын гарын авлагаар хангаж , Сорьцын хяналтын газраас гаргасан зөвлөмжийг өгч ажиллаа.