БАЙГУУЛЛАГЫН ТОВЧ ТАНИЛЦУУЛГА
Стандарт, чанарын хяналт, үнэ тарифыг тогтоох, мөрдөх, стандарт, чанарын шаардлага хангасан бүтээгдэхүүнээр хэрэглэгчдийг хангах зорилгоор анх 1978 онд аймгийн АДХ-ын гүйцэтгэх захиргааны дэргэд үнэ, чанарын орон тооны бус хэлтэс байгуулагдан ажиллаж эхэлсэн ба 1979 онд МАХН-ын төв хороо, БНМАУ-ын Сайд нарын зөвлөлийн 19-р тогтоол гарч, орон нутгийн үнэ, чанарын удирдлагын албыг бие даасан байгууллагын статустай байгуулахаар тогтсон. Уг тогтоолыг хэрэгжүүлэх үүднээс 1979 оны сүүлчээр аймагт “Үнэ, чанарын хэлтэс” байгуулагдсан.
Хэлтсийн дарга 1, мэргэжилтэн 2 гэсэн бүтэц орон тоотойгоор үйл ажиллагааг эхэлж үйлдвэр, үйлчилгээ, хөдөө аж ахуй худалдааны байгууллагуудын үнэ, тариф тогтоох түүний биелэлтэд хяналт тавих, үйлдвэрлэсэн бүтээгдэхүүн ажил үйлчилгээний чанарт хяналт тавих, стандартын шаардлага үзүүлэлтэд нийцэж байгаа эсэхийг шалгах үүрэгтэй ажиллаж байв. Мөн сум нэгдэл, зарим үйлдвэр, аж ахуйн газруудад чанарын асуудал хариуцсан албан тушаалтан ажиллах болсон.
1982 онд Үнэ, чанарын хэлтсийн дэргэд ХАА-н бүтээгдэхүүний экспертиз лаборатори байгуулах шийдвэр гарч үйл ажиллагааг явуулж эхэлсэн ба цөцгийн тосны чийглэг, тослог, ноос, ноолуурын хогт хольц, нарийн бүдүүн, тослог, үр тарианы чийглэг цавуулаг, ургамлын хольц зэргийг шинжилж, стандартын шаардлага, үзүүлэлтэд хэрхэн нийцэж байгаа талаар дүгнэлт гаргадаг байсан.
Аймгийн Үнэ, чанарын хэлтэс нь 1991 оны 10 дугаар сараас АДХГЗ-ын дэргэдэх Стандартчилал, чанарын баталгаажуулалтын төв нэртэйгээр, 1992 оны 8 дугаар сараас Стандартчилал, хэмжил зүйн төв болж зохион байгуулагдан чанар, стандартын хяналт, хүнс, ХАА-н бүтээгдэхүүний экспертиз шинжилгээ, механик, цахилгаан, хий, шингэний хэмжүүрүүдийг баталгаажуулах зэрэг чиглэлээр үйл ажиллагаа явуулж ирсэн. Чанар, стандартын байгууллага нь 1999-2001 онд МХГ-ын бүтэц дотор ажиллаж байсан.
Баян-Өлгий аймгийн Стандартчилал, хэмжил зүйн төв нь Монгол улсын Засгийн газрын 2008 оны 12 дугаар сарын 24-ний өдрийн 67 дугаар тогтоолоор “Баян-Өлгий аймгийн Стандартчилал, хэмжил зүйн хэлтэс” нэртэйгээр өөрчлөн байгуулагдсан.
Баян-Өлгий аймгийн Стандарт, хэмжил зүйн хэлтсийн албан хаагчид
№ |
Албан хаагчийн нэр |
Албан тушаал |
1. |
Х.Тилеген |
Дарга, Хэмжил зүй, сорьцын хяналтын улсын ахлах байцаагч |
2. |
П.Мурат |
Сорьцын хяналтын улсын байцаагч бөгөөд Ахлах мэргэжилтэн |
3. |
М.Азамат |
Хэмжил зүйн хяналтын улсын байцаагч |
4. |
Ө.Дарияш |
Хэмжих хэрэгслийн баталгаажуулалтын мэргэжилтэн |
5. |
Х.Өмирбек |
Хэмжих хэрэгслийн баталгаажуулалтын мэргэжилтэн |
6. |
Х.Өмир |
Бүтээгдэхүүн баталгаажуулалтын мэргэжилтэн |
7. |
С.Зейнелхан |
Бүтээгдэхүүн баталгаажуулалтын мэргэжилтэн |
8. |
З.Серикжан |
Нягтлан бодогч |
9. |
Б.Фарида |
Лабораторийн эрхлэгч |
10. |
М.Рая |
Лабораторийн шинжээч-дээж хүлээн авагч |
11. |
Ж.Ботакөз |
Лабораторийн шинжээч-дээж хүлээн авагч |
12. |
Х.Еркингүл |
Лабораторийн шинжээч-дээж хүлээн авагч |
13. |
Х.Жанар |
Лабораторийн шинжээч-дээж хүлээн авагч |
14. |
З.Айнур |
Лабораторийн шинжээч-дээж хүлээн авагч |
15. |
Х.Жанерке |
Лаборант |
16. |
Н.Манчук |
Нярав |
17. |
Р.Түмэнбаяр |
Хэмжүүр баталгаажуулалтын техникч |
18. |
С.Төлөндөр |
Жолооч |
19. |
К.Ханбиби |
Үйлчлэгч |
20. |
Е.Айгүл |
Үйлчлэгч |
21. |
А.Айкүмис |
Үйлчлэгч /шил угаагч/ |
22. |
Ш.Бахытжан |
Лабораторийн шинжээч-дээж хүлээн авагч |
“Баян-Өлгий аймгийн Стандартчилал, хэмжил зүйн хэлтэс” оноосон нэр нь Монгол Улсын Засгийн газрын 2016 оны 09 дүгээр тогтоолоор “Баян-Өлгий аймгийн Стандарт, хэмжил зүйн хэлтэс” болж өөрчлөгдсөн. Баян-Өлгий аймгийн Стандарт, хэмжил зүйн хэлтэс нь Стандарт, хэмжил зүйн газрын стратегийн төлөвлөлт, бодлогын удирдамж, зохицуулалтаар хангагдаж, стандарт, тохирлын үнэлгээ, баталгаажуулалт, хэмжил зүйн нэгдмэл байдлыг хангах орон нутгийн төрийн байгууллага бөгөөд 2 салбарын хуулийн хүрээнд үндсэн үйл ажиллагаа явуулдаг.
1. Стандартчилал, техникийн зохицуулалт, тохирлын үнэлгээний итгэмжлэлийн тухай /шинэчилсэн найруулга/ хуулийн дагуу дараах үндсэн үйл ажиллагаа явуулах бүрэн эрхтэй. Үүнд:
1. Тохирлын үнэлгээг энэ хуульд заасны дагуу явуулах;
2. Стандарт, техникийн зохицуулалтын улсын мэдээллийн салбар санг ажиллуулах ;
3. Иргэн, аж ахуйн нэгж, байгууллагад стандарт боловсруулах талаар арга зүйн зөвлөгөө өгөх;
4. Хариуцсан асуудлаар төлбөртэй ажил, үйлчилгээ эрхлэх, сургалт явуулах;
2. Хэмжил зүйн тухай /шинэчилсэн найруулга/ хуулийн дагуу аймгийн хэмжил зүйн байгууллага харьяалах нутаг дэвсгэртээ хэмжлийн нэгдмэл байдлыг хангах чиглэлээр дараах чиг үүргийг хэрэгжүүлнэ. Үүнд:
1. Хэмжил зүйн хууль тогтоомж, Засгийн газрын шийдвэрийг хэрэгжүүлэх ажлыг зохион байгуулах;
2. Ажлын эталоныг бий болгох, хадгалах, ашиглах, тэдгээрийн нэгж дамжуулалтыг хангах;
3. Хэмжих хэрэгсэлд шалгалт баталгаажуулалт хийх;
4. Хэмжих хэрэгслийн шалгалт тохируулга хийх
5. Хэмжил зүйн хууль тогтоомжийн хэрэгжилтэд хяналт тавих;
6. Хэмжлийн нэгж нь зөвшөөрөгдсөн нэгжтэй тохирч байгаа эсэхэд хяналт тавих;
7. Хэмжих хэрэгслийг үйлдвэрлэх, импортлох, суурилуулах, засварлах үйл ажиллагаанд хяналт тавих;
8. Савласан бүтээгдэхүүний тоон хэмжээнд хэмжил зүйн хяналт тавих.
Тус хэлтэс нь одоогийн байдлаар нийт 23 ажилтан, албан албан хаагчтайгаар Хэмжил зүйн тухай хууль, Стандартчилал, техникийн зохицуулалт, тохирлын үнэлгээний итгэмжлэлийн тухай хууль, тогтоомж, Засгийн газрын шийдвэрийг хэрэгжүүлэх ажлыг орон нутагт зохион байгуулж хэмжил зүйн хяналт, сорьцын хяналт, цахилгаан, масс, хий шингэн эзлэхүүн зарцуулалт, даралтын хэмжлийн төрлөөр хэмжих хэрэгслийн баталгаажуулалт хийх, бүтээгдэхүүн баталгаажуулалт, стандартын мэдээллийн сан, хэмжих хэрэгслийн шалгалт тохируулга, сорилтын лабораторийн чиглэлээр үйл ажиллагаа явуулж төрийн үйлчилгээг ард иргэдэд шуурхай үзүүлж байна.