Жил бүрийн 5 дугаар сарын 20-ны өдрийг дэлхий нийтээр "Дэлхийн хэмжил зүйн өдөр” болгон тэмдэглэдэг уламжлалтай. Энэ жил буюу 2021 оныг "Эрүүл мэндийн салбар дахь хэмжил” уриан дор тэмдэглэж байна.
Дэлхийн хэмжил зүйн өдрийг тохиолдуулан Стандарт, хэмжил зүйн хэлтсээс 2021 оны 5 дугаар сарын 20-ны өдрийн 09:00-12:00 цагийн хооронд хэлтсийн байранд "Нээлттэй хаалганы өдөрлөг”-ийг зохион байгууллаа.
"Нээлттэй хаалганы өдөрлөг”-өөр Хэмжил зүйн тухай хууль болон хэлтсийн үйл ажиллагааг сурталчлах, хэмжих хэрэгслийн баталгаажуулалтын талаар мэдээлэл өгөх, бүх төрлийн худалдааны жин баталгаажуулах, цусны даралтын аппарат, ус болон цахилгааны тоолуурын баталгаажуулалтын ач холбогдол гээд олон талт мэдээлэл өгнө.
Энэхүү "Нээлттэй хаалганы өдөрлөг”-т иргэд, харилцагч аж ахуйн нэгж, байгууллага идэвхтэй оролцож, хэвлэл мэдээллийн хэрэгслээр сурталчилан ажиллалаа.