Баян-Өлгий аймгийн Засаг даргын А/125 дугаар захирамжийг хэрэгжүүлэхээр 2022 оны 4 дүгээр сарын 20-ны өдөр Стандарт хэмжил зүйн хэлтсийн мэргэжилтэн Х.Өмирбек, хэлтсийн даргын хүсэлтийн дагуу аймгийн ЗДТГ-ын Боловсрол, шинжлэх ухааны асуудал хариуцсан мэргэжилтэн Ж.Эльмира, Ховд Их сургуулийн Баян-Өлгий аймаг дахь салбар сургуулийн захирал С.Гаура, Математик, мэдээлэл зүйн багш М.Инжуу нар хамтарсан тусгай төлөвлөгөөний дагуу 14:00-21:00 цагийн хооронд Сагсай сумын ЕБ-1 дүгээр сургуульд ажиллалаа.
Хамгийн түрүүнд 5 дугаар ангийн сурагчидтай уулзаж, хичээл тэмдэглэсэн байдал, монгол хэл, англи хэл, математикийн ерөнхий төвшинд анализ хийж үзлээ.
Төлөвлөгөөний дагуу сургуулийн 9 дүгээр ангийн сурагчдын эцэг эх, асран хамгаалагч нартай уулзаж, нээлттэй ярилцлага явуулж сэтгэл ханамжийн судалгаа авч ажиллалаа.
Дунд ангид хичээл ордог, сонгох хичээл ордог багш нараас бусад багш нар хэлэлцүүлэгт идэвхтэй оролцлоо.
ХИС-ийн Баян-Өлгий аймаг дахь салбар сургуулийн захирал, С.Гаура “Багш нарын чадварыг сайжруулах арга зам” сэдвийн хүрээнд харилцааны соёлд дүн шинжилгээ хийх чадварыг хэрхэн үнэлэхийг жишээнд тулгуурлан тайлбарлаж, багшийн мэргэжлийн онол, дадлын чадамж, багшийн өөрийгөө хөгжүүлэх чадваруудын талаар арга зүйн зөвлөмж өглөө.
ХИС-ийн Баян-Өлгий аймаг дахь салбар сургуулийн математик, мэдээлэл зүйн багш М. Инжуу дунд ангиас ахлах ангид шилжих гэж буй 9-р ангийн сурагчид, эцэг эх, асран хамгаалагч, багш, ажилчидад “Цахим донтолт, түүнээс хамгаалах” сэдэвт лекц уншиж, гар утас болон компьютерийн хэрэглээг багасгах, эергээр ашиглахыг зөвлөж, 12 дугаар ангийн нийт төгсөгчидтэй “Амжилтад хүрэх нууц” сэдэвт ярилцлага өрнүүллээ.
ХИС-ийн Баян-Өлгий аймаг дахь салбар сургуулийн захирал, С.Гаура 12 дугаар ангийн нийт төгсөгчидтэй уулзаж, тэднийг дахин шалгалт өгөхөд өөртөө итгэлтэй байх, шалгалтад хэрхэн бэлтгэж амжилтад хүрч болох талаар 2 цагийн турш уулзалт ярилцлага, хичээлийн хэлэлцүүлэг хийлээ.
Монгол хэл, уран зохиолын багш нар тухайн туршилт хичээлд сууж арга зүйн зөвлөгөө авлаа.
![](https://masm.gov.mn/bug/images/news/1650618580_233.jpg)
![](https://masm.gov.mn/bug/images/news/1650618597_123.jpg)
![](https://masm.gov.mn/bug/images/news/1650618614_124.jpg)