Хэлтсийн даргын баталсан удирдамжийн дагуу хэмжих хэрэгслийн баталгаажуулалтын болон бүтээгдэхүүн, үйлчилгээний баталгаажуулалтын мэргэжилтнүүд ээлжит баталгаажуулалтын ажлаар Ногооннуур сум болон Цагааннуур тосгонд 2021.09.08-09.09-ны өдрүүдэд ажиллав.
Тус сумын шатахуун түгээгүүрийн 13 ш хэмжих хэрэгсэл болон худалдааны газрын 12 ш худалдааны жин, Ерөнхий боловсролын сургуулийн 3 ш , Эрүүл мэндийн төвийн 2 ш хэмжих хэрэгсэлд тус тус шалгалт баталгаажуулалтын ажлыг хийж гүйцэтгэв.
Томилолтоор ажиллах хугацаанд 21 дэлгүүр, 5 шатахуун түгээх станц, 2 сургууль, 3 цэцэрлэг, 2 эрүүл мэндийн төвөөр орж Хэмжил зүйн тухай хууль, болон Стандартчилал, техникийн зохицуулалт, тохирлын үнэлгээний итгэмжлэлийн тухай хууль, бусад холбогдох журам, стандартын талаар арга зүйн зөвлөгөө өгч ажиллалаа.