Монгол Улсын Засгийн газрын 281 дугаар тогтоолоор шинэчлэн батлагдсан “Монгол Улсын Сорьцын хяналтын дүрэм”, Үнэт металлын сорьцын хяналтын газрын даргын удирдамжын дагуу,“Үнэт металлын сорьц тогтоох, баталгаажуулах, эрдэнийн чулуу тодорхойлох, тэдгээрийг бүртгэх журам”-ыг мөрдлөг болгон 2021 оны 05 дугаар сарын 20 – ны өдөр Сайншанд суманд үнэт эдлэл, үнэт металл ба эрдэнийн чулуу, худалдан борлуулж байгаа дэлгүүр лангуунд хяналт шалгалтыг Хэлтсийн Даргаар ахлуулсан 4 хүний бүрэлдэхүүнтэй зохион байгуулж ажиллаа. Хяналт шалгалт шалгалт хийсэн ажлын хэсэгт : Стандарт, хэмжилзүйн хэлтсийн дарга, Сорьцын хяналтын улсын байцаагч Н. Баяр, ахлах мэргэжилтэн Х. Оюу-Эрдэнэ, Баталгаажуулалтын шинжээч Г. Шинэчимэг, Улсын шалгагч Б. Батзаяа
Шалгалтанд үнэт эдлэл худалдаалж буй иргэн М. Наранчимэг, Г.Болдсайхан, Б. Балбурам нар хамрагдсан. Хяналт шалгалтаар даархи зүйлсийг шалгасан байна.
Үүнд:
- Үнэт эдлэл худалдан борлуулж байгаа иргэд, аж ахуйн нэгжийн үйлчилгээ эрхлэх зөвшөөрөл авсан эсэх, бичиг баримтын бүрдүүлэлтийг шалгаж
- Борлуулж байгаа үнэт эдлэлийн сорьцын баталгааны болон үйлдвэрлэгчийн барааны тэмдгийг үзэж шалган, заавар зөвлөмж өгч ажиллав.
Хяналт шалгалтын үр дүн:
- Үнэт эдлэл худалдан борлуулж байгаа иргэд, аж ахуйн нэгж, худалдагчдын үнэт эдлэл, сорьцын баталгаажилтын талаарх мэдлэг мэдээлэл олон удаагын хяналт шалгалт, сургалт зохион байгуулж, мэдээлэл өгсний үр дүнд сайжирч, стандартын шаардлага хангасан бүтээгдэхүүн худалдан борлуулдаг болсон байна.
- Үнэт эдлэл худалдан борлуулж байгаа ихэнх иргэд, аж ахуйн нэгж, худалдаачид нь Улаанбаатар хотын аж ахуйн нэгжүүдийн үйлдвэрлэсэн 7 төрлийн мөнгөн аяга, 40 гаруй нэр төрлийн алт мөнгөн үнэт эдлэл, гоёл чимэглэлийн зүйлсийг сорьцын баталгааны зөрчилгүй бөөний үнээр авчирч, жижиглэнгээр борлуулдаг байна.