Газар нь Засгийн газрын үйл ажиллагааны стандартчилал, тохирлын үнэлгээ, хэмжил зүй, сорьцын хяналтын бодлогыг боловсруулах, хэрэгжүүлэх үүрэг, хариуцлага хүлээж Монгол Улсын Шадар сайд, Засгийн газрын танхимд бүх талын зөвлөгөө, дэмжлэг үзүүлнэ. Газар нь салбарын бодлого, төлөвлөлт, хэрэгжилт, төсвийн зарцуулалтын тэнцвэр, харилцан уялдаа холбоог хангах асуудалд хууль тогтоомжийн хүрээнд өргөн хүрээтэй хандаж, зөв зохистой удирдаж зохицуулна.

Газар нь стандартчилал, тохирлын үнэлгээ, хэмжил зүй, сорьцын хяналтын хөгжлийг хурдасгах, олон улсын жишигт хүргэх, Монгол Улсын хөгжлийн чиг хандлагад нийцсэн экспортыг дэмжсэн үндэсний үйлдвэрлэлийг хөгжүүлэхэд дэмжлэг үзүүлэх, үндсэн чиг үүргийнхээ хүрээнд чанартай, хүртээмжтэй үйлчилгээ үзүүлэх зэрэг асуудлыг хамарсан Засгийн газрын зөвлөхийн үүрэг, хариуцлага хүлээнэ.

• Нийтийн ашиг сонирхол, хүний эрүүл мэнд, хүрээлэн байгаа орчин, улс орны аюулгүй байдлыг хамгаалах, үндэсний үйлдвэрлэл, бүтээгдэхүүн, ажил үйлчилгээний өрсөлдөх чадварыг дээшлүүлэхэд стандартчилал, тохирлын үнэлгээний бодлого үйл ажиллагаагаар дэмжлэг үзүүлэх;
• Нийгэм, эдийн засгийн хөгжлийг хэмжлийн нэгдмэл байдлыг хангах бодлогоор дэмжих, Монгол Улсын хэмжлийн тогтолцоо, хэмжлийн нэгжийн үндэсний эталон, хууль эрхийн хэмжил зүйн техникийн чадавхыг нэмэгдүүлж олон улсын түвшинд хүргэх;
• Бүтээгдэхүүн, үйлчилгээний болон Бүтээгдэхүүн, үйлчилгээ, менежментийн тогтолцооны баталгаажуулалтын хамрах хүрээг өргөжүүлэх, худалдаа, үйлчилгээ, үйлдвэрлэл эрхлэгчдийг дэмжих, тэдэнд зах зээл дээр шударга өрсөлдөх таатай нөхцөлийг бүрдүүлэх;
• Сорьцын хяналтын баталгааг олон улсын түвшинд хүргэх, үнэт металлын сорьц тогтоох, эрдэнийн чулуу тодорхойлох үйлчилгээг олон улсын стандартын дагуу хийж хэрэглэгчдийн эрх ашгийг хамгаалах;

Үйл ажиллагааны үндсэн чиг үүрэг:

Стандарт хэмжил зүйн салбарыг тодорхой үе шаттай хөгжүүлэн ач холбогдлыг өндөр үнэлж ирсний үр дүнд схем бүтэц зохион байгуулалт, материаллаг бааз сайтай, хууль эрх зүйн үндэс нь бүрэлдэн тогтсон, ур чадвар бүхий мэргэшсэн хүний нөөцтэй, эдийн засгийн ач холбогдол бүхий байгууллага болон хөгжиж байна.

“Стандартчилал, техникийн зохицуулалт, тохирлын үнэлгээний итгэмжлэлийн тухай”, “Хэмжил зүйн тухай” хууль болон бусад хууль журам эрх зүйн баримт бичгүүдийн хүрээнд орон нутагтаа:

• Стандартчилал, тохирлын үнэлгээний баталгаажуулалт,
• Хэмжих хэрэгслийн шалгалт тохируулга, баталгаажуулалт,
• Хэмжил зүйн хяналт
• Стандартын лавлагаа мэдээлэл, сургалт,
• Хүнсний чанар аюулгүй байдлын хяналт
• Үнэт эдлэлийн сорьцын хяналт шалгалт
• Сорилтын буюу хүнсний бүтээгдэхүүнд шинжилгээ хийх  үндсэн чиг үүргийг гүйцэтгэдэг.

Хүнд, эзлэхүүн багтаамж, даралт, цахилгааны хэмжих хэрэгслүүдэд шалгалт, баталгаажуулалт хийх итгэмжлэгдсэн лабораторитойгоор үйл ажиллагаагаа явуулж байна.

Мөн хүнсний бүтээгдэхүүнд шинжилгээ хийх хими, нян судлал, таримал ургамал, үр хорий цээрийн лаборатори үйл ажиллагаагаа явуулж байна.