Чанарын дэд бүтцийн эрх зүйн орчныг олон улсын жишигт хүргэх замаар бүтээгдэхүүн, үйлчилгээний чанар, аюулгүй байдлыг хангаж, эдийн засгийн өрсөлдөх чадварыг дээшлүүлэх зорилгоор “Стандарт ба хөгжил” үндэсний хөтөлбөрийн хэлэлцүүлгийг орон даяар өрнүүлж байна.
Стандарт, хэмжил зүйн газраас боловсруулсан дээрх төслийн хэлэлцүүлгийг 16 яам, 20 аймагт үе шаттайгаар зохион байгуулж, дуусах шатандаа явж байна.
Үүнтэй холбоотойгоор Эрүүл мэндийн яаманд 2023 оны 03 дугаар сарын 09-ны өдөр салбар дундын хамтын ажиллагааг хангах зорилгоор зохин байгууллаа. Тус яамны зүгээс үндэсний хөтөлбөрт тусгах саналаа албан бичгээр хүргүүлэхээр боллоо.
Энэхүү хэлэлцүүлгийг Монгол Улсын Засгийн газар, Шадар сайдын чиглэл, үүргийн дагуу үндэсний хэмжээнд хэрэгжүүлэхээр шийдвэрлэж, Стандарт, хэмжил зүйн салбарын шинэчлэлд онцгой анхаарч, иргэдийн эрүүл мэнд, хүрээлэн буй орчин, улс орны аюулгүй байдал, нийтийн ашиг сонирхлыг хамгаалах, олон нийтэд стандартын боловсрол олгох соён гэгээрүүлэх зорилгоор хэрэгжүүлж байгаа юм.
