MNS 6648:2016, Хүнсний бүтээгдэхүүний сав боодлын шошгололтод тавих шаардлага стандартад нэмэлт өөрчлөлт оруулах ажлын хэсгийн бүрэлдэхүүн өчигдөр Шадар сайд С.Амарсайхан хүлээн авч уулзлаа.
Уулзалтад ЭМЯ-ны Төрийн нарийн бичгийн дарга, ХХААХҮЯ, МХЕГ, ГЕГ, ШӨХТГ, НЭМҮТ, ШУТИС-ҮТС, Монголын хүнсчдийн холбооны төлөөлөл болон “Цахим эмч” ТББ-ын үүсгэн байгуулагч нар оролцож санал солилцсон.
Тус стандартад оруулах өөрчлөлтийг энэ оны 6 дугаар сарын 1-ний дотор баталж хүнсний бүтээгдэхүүний сав баглаа боодлын шошгыг өөрчлөх ажлыг эхлүүлэх үүргийг Шадар сайд С.Амарсайхан өгч, бэлтгэл ажлаа хангахад анхаарлаа хандуулахыг ажлын хэсгийнхэнд зөвлөлөө.