2021 оны 10 дугаар сарын 6-7-ны өдрүүдэд Бүгд Найрамдах Турк Улсын “Халал” итгэмжлэлийн агентлагаас зохион байгуулсан “Халал сертификатад итгэх итгэлийг дэлхий дахинд сурталчлах” Олон Улсын чуулган болж өнгөрлөө. Энэхүү хуралд захиалагч байгууллагууд, худалдаачид, Засгийн газрын төлөөлөгчид оролцож, “халал” баталгаажуулалтын зах зээлд "итгэх" хүчин зүйлийн талаар ярилцаж, хэрэглэгчдэд итгэх итгэл, худалдаанд итгэх итгэл, Засгийн газар хоорондын итгэлцлийг хөнгөвчлөхөд SMIIC (Standards and Metrology Institute for Islamic Countries) -ийн гүйцэтгэх үүргийг тодорхойлох зорилготой байлаа.
Энэ зорилгоор дараах сэдвээр гурван тусгай хуралдаан зохион байгуулан 2 өдрийн турш үргэлжилсэн.
1-р хэсэг: Халал лабораторийн практик
2-р хэсэг: Хүний хүчин зүйл ба халал үйлдвэрлэлд ажиллаж буй боловсон хүчний ур чадвар
3-р хэсэг: Халал үйлдвэрлэлд итгэх итгэлийг хөгжүүлэх технологийг ашиглах - Блокчейн нь итгэлцлийн хэрэгсэл болж чадах уу?
Стандарт, хэмжил зүйн газраас Монгол Улсад “халал” баталгаажуулалтын тогтолцоог Олон Улсын түвшинд хөгжүүлэхэд анхаарч, “халал” баталгаажуулалтын Үндэсний байгууллагуудыг шинээр бий болгох зорилго тавин ажиллаж байна. Энэхүү чуулганд оролцсоноор “халал” тогтолцоог хөгжүүлэхэд шаардлагатай арга хэмжээг тодорхойлж, хамтын ажиллагааг идэвхжүүлэх чухал ажил боллоо гэж онцолж байна.