СХЗГ 2021 оны спортын аварга шалгаруулах тэмцээнийг дөрвөн төрөлд явуулж, аваргуудаа тодрууллаа. Манай байгууллага нийгмийн хариуцлагынхаа хүрээнд энэхүү тэмцээнийг “Өнөр бүл” хүүхдийн асрамжийн газрын спорт зааланд зохион байгуулсан бөгөөд нээлтийн арга хэмжээний үеэр тус газрын авьяаслаг багачууд урлагийн тоглолтоо өргөн барилаа.
Тэмцээний эхний өдөр болсон волейболын тэмцээний эрэгтэй багийн нэгдүгээр байрт ХХШБГ, хоёрдугаар байрт ЗУГ+Санхүүгийн хэлтэс, гуравдугаар байрт ХЗБГ орсон бол эмэгтэй багийн хувьд ХХШБГ, ХЗБГ, БТБГ+ХШҮДАГ эхний байруудыг эзэллээ. Ширээний теннисийн тэмцээнд эрэгтэй төрөлд нэгдүгээр байрт Сорьцын хяналтын газрын хайлагч Б.Эрдэнэхүү, хоёрдугаарт байрт ХХШБГ-ын улсын байцаагч Б.Гантулга, гуравдугаар байрт Сорьцын ерөнхий газрын хайлагч З.Мөнгөнбагана, эмэгтэй төрөлд нэгдүгээр байрт Сорьцын ерөнхий газрын химич Л.Энхжаргал, хоёрт Санхүүгийн хэлтсийн эдийн засагч Ч.Чимгээ, гуравт СТҮБГ-ын ахлах мэргэжилтэн Д.Даваасүрэн тус тус байр эзэллээ.
Хоёрдахь өдөр болсон Дартсын эрэгтэй төрөлд эхний байрт ХХШБГ-ын мэргэжилтэн Д.Батсүх, хоёрт СТҮБГ-ын дарга Б.Эрдэнэзул, гуравт Сорьцын хяналтын газрын хайлагч Б.Бат-Итгэл, эмэгтэй төрөлд ХЗБГ-ын хэмжил зүйн хүрээлэнгийн ахлах мэргэжилтэн Ж.Ариунтунгалаг, хоёрт ХХШБГ-ын улсын байцаагч Ч.Лхагвасүрэн, гуравт ХШҮДАГ-ын мэргэжилтэн Д.Үнэнжаргал нар тус тус ялагчаар тодорлоо.
Сагсан бөмбөгийн эрэгтэй төрөлд нэгдүгээр байрт ЗУГ+Санхүүгийн хэлтэс, хоёрт Сорьцын хяналтын газар, гуравт БТБГ-ХШҮДАГ-ын багууд эхний байрт орсон бол эмэгтэй төрөлд эхний байрт ХХШБГ, хоёрт ЗУГ+Санхүүгийн хэлтэс, гуравт ХЗБГ-ын баг тус тус байр эзэллээ.
Спортын дөрвөн төрлийн нийт дүнгээр ХХШБГ-ын баг хамт олон тэргүүлж шилжин явах цомын эзэд болсон бол энэ удаагийн тэмцээний шилдэг эрэгтэй тамирчнаар Сорьцын хяналтын газрын хайлагч Б.Бат-Итгэлт, эмэгтэй тамирчнаар ЗУГ-ын архив, бичиг хэргийн мэргэжилтэн Б.Үүртуяа тус тус шалгарсан юм.