Олон Улсын Стандартчиллын Байгууллага болон Стандарт, хэмжил зүйн газар хоорондын уулзалт зохион байгуулагдаж, Стандарт, хэмжил зүйн газрын дарга Б.Билгүүн, Стандартчилал, тохирлын үнэлгээний бодлогын газрын дарга Б.Эрдэнэзул болон стандартчилал, тохирлын үнэлгээний холбогдох мэргэжилтнүүд Олон Улсын Стандартчиллын Байгууллагын Ази, Номхон далайн бүсийн үйл ажиллагааг хариуцсан мэргэжилтэн Хатагтай Икэ Пермати Саритай цахимаар уулзлаа. Уулзалтаар  ОУСБ дахь СХЗГ-ын гишүүний үүрэг, оролцоог хэлэлцсэн бөгөөд Ковид-19 цар тахлын улмаас үүсэж буй хүндрэл бэрхшээлийг үл харгалзан идэвхи оролцоогоо сайжруулж, манлайлан ажиллаж болох талаар бүсийн зохицуулагчийн зүгээс хэрэгтэй зөвлөмж, зөвлөгөөнүүдийг өгөв.
Оны эцэст алдаа оноогоо ийнхүү хэлэлцсэнээр ирэх ондоо илүү амжилттай ажиллах үүдийг нээсэн үр ашигтай уулзалт болж өндөрлөлөө.