Олон Улсын Стандартчиллын Байгууллагын Хөгжиж буй орныг дэмжих хорооноос “Олон Улсын Стандартчиллын Байгууллага ба илүү аюулгүй, аз жаргалтай нийгмийг бүтээхэд оюутнуудын оролцоо” сэдэвт цахим воркшопыг 10; 11 дүгээр саруудад зохион байгуулах гэж байна. Энэхүү воркшопыг дэлхийн бүх улс орны их сургуулийн оюутнуудад зориулж буй юм. Оюутнууд бол ирээдүйн стандарт боловсруулагчид, хэрэглэгчид билээ. Мөн ирээдүйн тогтвортой хөгжилд маш чухал үүрэг гүйцэтгэгчид юм. Энэхүү воркшопоор стандарт гэж юу болох, илүү сайхан ирээдүйг бүтээхэд олон улсын стандартыг хэрхэн ашиглаж болох талаар судалж мэдэхэд чиглэх аж. 

Дэлхийн өнцөг булан бүрийн их сургуулиудын оюутнууд оролцохоор бүртгүүлж байгаа тул Монгол Улсын бүх их сургуулийн оюутан залуустаа энэхүү цуврал воркшопт идэвхитэй оролцохыг уриалж байна. Сургуулиа төгсөөд ажлын талбарт гарахад стандартчилал өдөр тутамд нь, алхам бүрт нь хэрэг болох тул та бүхэн өнөөдрөөс стандартчиллын талаар мэдлэгээ дээшлүүлээрэй.

Воркшопын зохион байгуулагдах хуваарийг танилцуулах хуудас дээрээс харна уу.

Воркшопт бүртгүүлэх линк:

https://isineg.org/