Стандарт, хэмжил зүйн газраас "Стандарт ба хөгжил" үндэсний хөтөлбөрийг боловсруулан төслийн хэлэлцүүлгийг 16 яам, 20 аймагт үе шаттайгаар зохион байгуулсан билээ.
Үүний хүрээнд Дорнод аймгийн Стандарт, хэмжил зүйн хэлтэс нь 2023 оны 03 дугаар сарын 01-ний өдөр Хэрлэн сумын ЗДТГ-ын хурлын танхимд “Төрөөс Стандартчилал, хэмжил зүйн талаар баримтлах бодлого”, “Стандарт ба хөгжил” үндэсний хөтөлбөрийн төслийг оролцогч болон сонирхогч талуудад танилцуулах хэлэлцүүлгийг зохион байгуулжээ.
Хэлэлцүүлгийг нээж хэлтсийн дарга Н.Энхболд "Стандарт ба хөгжил" үндэсний хөтөлбөрийн төслийг танилцууллаа. "Стандартчилал техникийн зохицуулалт, тохирлын үнэлгээний итгэмжлэлийн тухай" хуульд оруулж буй өөрчлөлтийн төслийн талаар ахлах мэргэжилтэн Б.Дүүрэнжаргал, Стандарт, хэмжил зүйн талаар төрөөс баримтлах бодлогыг АЗДТГ-ын ХОХБТХ-ийн мэргэжилтэн О.Энхжаргал нар тус тус танилцууллаа.
Хэлэлцүүлэгт төрийн болон төрийн бус байгууллага, хувийн хэвшлийн аж ахуйн нэгжийн 40 гаруй төлөөлөл оролцжээ.