Стандарт, хэмжил зүйн газрын дарга Б.Билгүүн, Сорьцын хяналтын газрын дарга Д.Бэхбат нар УИХ-ын гишүүн, Боловсрол, Шинжлэх ухааны сайд Л.Энх-Амгалан болон яамны удирдлагуудтай уулзаж Боловсролын салбарын стандартуудад шүүлт хийх, шинэчлэх асуудлаар хамтарсан ажлын хэсэг байгуулах, мөн Боловсрол, шинжлэх ухааны стандартын техникийн хороог шинээр эмхлэн зохион байгуулах, үйл ажиллагааг нь идэвхижүүлэх талаар тохиролцлоо. Мөн энэ үеэр Боловсрол, Шинжлэх ухааны сайд Л.Энх-Амгалан Стандарт, хэмжил зүйн салбарын нарийн мэргэжлийн мэргэжилтнүүдийг хамтын ажиллагаатай улс орнуудад бэлтгэх, мэргэшүүлэх, дадлагажуулахад идэвхитэй дэмжлэг үзүүлнэ гэдгээ илэрхийллээ.