Канадын Засгийн газрын дэмжлэгтэйгээр Төрийн албаны зөвлөл, НҮБ-ын Хөгжлийн хөтөлбөр хамтран “Монгол улсад мэргэжлийн, иргэн төвтэй төрийн албыг төлөвшүүлэх нь” төслийг хэрэгжүүлж байна.
Төслийн үйл ажиллагаа, бүтээгдэхүүнийг газар дээр нь туршин нэвтрүүлэх хүрээнд “Стратегийн баримжаатай хүний нөөцийн удирдлага”, “Төрийн албан хаагчийн зарчимч, шударга байдлыг бэхжүүлэх нь” дэд төслийг Стандарт, хэмжил зүйн газарт хэрэгжүүлэх замаар төрийн байгууллагын үр дүнг дэмжих хүний нөөцийн удирдлагыг төлөвшүүлэх, төрийн албан хаагчдыг ёс зүйн зөрчлөөс урьдчилан сэргийлэх суурь нөхцөлийг бүрдүүлэхээр ажиллаж байна.
Энэ удаагийн сургалт нь төрийн албанд томилогдоод удаагүй байгаа албан хаагчдын зарчимч, шударга байдлыг нэмэгдүүлэх, хувь хүний ёс зүйн манлайллыг дэмжих, төрийн албаны үнэт зүйлсэд суурилсан ёс зүйн чиг баримжааг бүтээхэд дэмжлэг үзүүлэхэд чиглэнэ.
Энэхүү сургалтад оролцсоноор албан хаагчид
Төрийн албаны үнэт зүйл, төрийн албан хаагчийн ажлын онцлог, зарчмыг эргэцүүлэх, өөрийн харилцаа, хандлага, ёс зүйн чиг баримжааг оношилж, хөгжүүлэх арга барил эзэмших.
Төрийн албаны соёл, хамтын ажиллагаа, төрийн албан хаагчийн ёс зүйн шийдвэр гаргалтад нөлөөлөх хүчин зүйлсийг тодорхойлох мэдлэг, ур чадвартай болох.
Ёс зүйтэй төрийн албыг төлөвшүүлэх үндэс болсон ёс зүйтэй, жендерийн мэдрэмжтэй төрийн албан хаагчийн сэдэл тэмүүллийг бий болгох, ёс зүйн зөрчлөөс урьдчилан сэргийлэхэд ашиглах шинэ мэдлэг, арга хэрэгсэл, ур чадварыг эзэмшүүлэхээр зорьж байна.
