Стандарт, хэмжил зүйн газар нь мандатын болон орчны шинжилгээнд тулгуурлан стратегийн зорилгоо дараах байдлаар томьёолж байна. Үүнд:

Монгол Улсын хөгжлийн стратеги, чиг хандлагад нийцүүлэн улс орон, нийгэм, эдийн засгийн аюулгүй байдлыг хангаж, экспортыг нэмэгдүүлж, үндэсний үйлдвэрлэлийг хөгжүүлэхэд стандартчилал, хэмжил зүй, тохирлын үнэлгээ, сорьцын хяналтын бодлогоор дэмжлэг үзүүлэхэд оршино.

Дээрх стратегийн зорилгын хүрээнд дараах зорилтуудыг хэрэгжүүлнэ. Үүнд:

Стратегийн зорилт 1: Стандарт, хэмжил зүйн салбарын орлогыг нэмэгдүүлнэ.

Стратегийн зорилт 2: Стандарт, хэмжил зүйн салбарт хөрөнгө оруулалтыг нэмэгдүүлнэ.

Стратегийн зорилт 3: Стандарт, хэмжил зүйн газраас үзүүлж буй үйлчилгээг цахимжуулна. Стратегийн зорилт 4: Гадаад хамтын ажиллагааг хөгжүүлнэ.

Стратегийн зорилт 5: Үндэсний стандартад олон улсын стандартын эзлэх хувийг нэмэгдүүлнэ.

Стратегийн зорилт 6: Техникийн зохицуулалт боловсруулахад төрийн захиргааны төв байгууллагад дэмжлэг үзүүлнэ.

Стратегийн зорилт 7: Хэмжил зүйн салбарт зайлшгүй шаардлагатай улсын болон ажлын эталон бий болгоно.

Стратегийн зорилт 8: Эталоны шалгалт тохируулга, хэмжлийн чадавхиа үнэлүүлж олон улсад хүлээн зөвшөөрүүлнэ.

Стратегийн зорилт 9: Хүн, малын эрүүл мэнд, хүрээлэн байгаа орчин, улс орны аюулгүй байдал, нийтийн ашиг сонирхолд хохирол учруулж болзошгүй бүтээгдэхүүнийг тохирлын үнэлгээнд хамруулах, нэр төрлийг нэмэгдүүлнэ.

Стратегийн зорилт 10: Үнэт металлын сорьцын хяналтын тогтолцоог бэхжүүлнэ.

Стратегийн зорилт 11:   Стандарт,   хэмжил   зүйн   салбарын   мэргэжилтэн   бэлтгэх, чадавхжуулах тогтолцоог бүрдүүлнэ.

Байгууллагын алсын хараа:

Удирдлагын орчин үеийн дэвшилтэт арга барил, туршлагыг нэвтрүүлэн, төрийн албаны ажилтны мэдлэг чадварыг ахиулж, төрийн байгууллагын чадавхыг дээшлүүлэн, иргэд байгууллагад үзүүлэх стандартчилал, тохирлын болон хэмжил зүйн баталгаажуулалт, сорьцын хяналтын үйлчилгээ зэрэг төрийн үйлчилгээ түүний чанарыг олон улсын жишигт хүргэж, салбартаа тэргүүлэгч байх.

Стандартчилал, хэмжилзүйн үйлчилгээ үзүүлэх чадвараараа салбартаа тэргүүлж, аймгийнхаа хөгжил дэвшилд дэмжлэг үзүүлэгч байгуулага байна.

Үндсэн үйл ажиллагааны  зорилго:

          Аймгийн эдийн засаг нийгмийн амьдралд стандартчилал, хэмжилзүй, баталгаажуулалт, сорилт чанарын бодлогоор дэмжлэг үзүүлж, бүтээгдэхүүн, ажил үйлчилгээний өрсөлдөх чадварыг дээшлүүлж үйлдвэрлэл, худалдаа, үйлчилгээг дэмжих, хэмжлийн нэгдмэл байдлыг бий болгох, хүн амын эрүүл мэнд хүрээлэн буй орчны аюулгүй байдлыг хангахад оршино.

Үйл ажиллагааны зорилт:
• Хангайн бүсийн тулгуур төв болох
• Хэрэглэгчдэд зөв, оновчтой сонголт хийхэд нь туслах, хуурамч бүтээгдэхүүнээс хамгаалах шударга өрсөлдөөнийг дэмжих, зах зээлд чанар, аюулгүй байдлын шаардлага хангасан бүтээгдэхүүн, үйлчилгээгээр хангахад стандартчиллаар дэмжлэг үзүүлэх
• Хэрэглэгчийн сэтгэл ханамжийг дээшлүүлж, өндөр сэтгэгдэлтэй хэрэглэгч, үйлчлүүлэгчийн хувийн жинг нэмэгдүүлэх
• Суралцагч байгууллага болох,
• ISO 9001 бүлэг стандартыг төрийн үйлчилгээний байгууллагад нэвтрүүлэх,
•Аюулгүйн тэмдэгтэй бүтээгдэхүүний тоог нэмэгдүүлэх гэсэн зорилтуудыг дэвшүүлэн ажиллаж байна.

ХӨВСГӨЛ АЙМГИЙН СТАНДАРТ, ХЭМЖИЛ ЗҮЙН ХЭЛТЭС

Хөвсгөл аймгийн Стандарт хэмжил зүйн хэлтэс нь анх 1981 оны 2 дугаар сард Ардын депутатын хурлын гүйцэтгэх захиргааны харьяа Үнэ, чанарын хэлтэс нэртэйгээр байгуулагдсанаар тус хэлтсийн суурь тавигдаж байсан. Анх хэлтсийн дарга, аж үйлдвэр-хөдөө аж ахуй хариуцсан мэргэжиллтэн 3 орон тоотой ажиллаж эхэлсэн. 1988 оноос Стандарт, чанарын хяналтын хэлтэс 6 орон тоотой,1989 оноос Аймгийн Стандарт чанарын хэлтэс, 1993 оноос Стандартчилал, хэмжил зүйн төв, 2016оны Монгол Улсын Их Хурлын 09 дүгээр тогтоолоор Стандарт, хэмжил зүйн хэлтэс нэртэйгээр үйл ажиллагаа явуулж байна.

Тус хэлтсийн дарга нар:

1. Лувсанцэрэнгийн Пүрэвжав /1981-1983/,
2. Балжиннямын Жадамба /1983-1985/
3. Чойнзонгийн Давааням /1985-1987/
4. Дамбажавын Гармаа /1987-1990/
5. Ванчингийн Олдох /1990-1991/
6. Чойнзонгийн Давааням /1991-1994/
7. Дашнамжилын Батсайхан /1994-2019/
8. Бямбасүрэнгийн Баяндалай /2019-2021/
9. Дэмбэрэлжавын Батцоож /2021 оноос тус хэлтсийн даргаар ажиллаж байна.

 Одоогийн байдлаар тус хэлтэс нь үйлажиллагаандаа Стандартчилал, техникийн зохицуулалт тохирлын үнэлгээний итгэмжлэлийн тухай, Хэмжил зүйн тухай хууль болон Засгийн газрын 2018 оны 291 дүгээр тогтоол, Засгийн газрын 2002 оны 146 дугаар тогтоол, Засгийн газрын 2008 оны 265 дугаар тогтоол, Засгийн газрын болон аймгийн Засаг даргын үйл ажиллагааны мөрийн хөтөлбөрүүдэд стандартчилал, чанар, хэмжлийн нэгдмэл байдлыг хангах талаар дэвшүүлсэн бодлого, зорилтыг хэрэгжүүлэх ажлыг үр дүнтэйгээр гүйцэтгэн Баталгаажуулалтын алба, Хэмжил зүйн алба, Сорилтын лаборатори, Захиргаа аж ахуй гэсэн бүтэцтэй, 21орон тоотойгоор үйл ажиллагаагаа явуулж байна.

Хэмжил зүйн лаборатори нь механик, даралт, эзлэхүүн, цахилгаан хэмжлийн төрлүүдээр баталгаажуулалт хийж Стандарт хэмжил зүйн газрын итгэмжлэл, аттестатчилалд 7 удаа орж, амжилттай үнэлэгдсэн.

Бүтээгдэхүүн үйлчилгээний баталгаажуулалтын алба нь итгэмжлэлийн хүрээний дагуу 11 төрлийн 46 бүтээгдэхүүн, 16 төрлийн үйлчилгээнд итгэмжлэл олгон ажиллаж байна.

Хэлтсийн харьяа лаборатори нь1960 онд үндэс суурь нь тавигдаж тухайн үед анхны нян судлалын лаборатори Эрүүлийг Хамгаалах Газрын харьяа “Ариун цэвэр халдвар судлалын станц”-ын дэргэд нэг лаборантын орон тоотойгоор үүсгэн байгуулагдсан.1964 онд Химийн лаборатори байгуулагдаж Эрүүлийг Хамгаалах Газрын харьяа “Ариун цэвэр халдвар судлалын станц”-ын дэргэд нэг орон тоотойгоор ажиллаж эхэлсэн. 1972 онд Нэгдсэн эмнэлгийн лабораторитой нэгдэж,1975 онд ариун цэврийн халдвар судлалын станцын барилга баригдаж, зориулалтын байранд орсон.

1991 онд Клиник бактерилогийн лаборатори нь аймгийн Нэгдсэн эмнэлэгийн лабораторийн тасагтай нэгдэж, үлдсэн лаборатори нь Эрүүл мэндийн байгууллагын харьяа “Эрүүл ахуй халдвар судлалын газар”-ын лаборатори нэртэйгээр ажиллаж 1996 оноос Аймгийн Мэргэжлийн хяналтын албаны харьяа “Эрүүл Ахуй халдвар Судлалын лаборатори” болсон. 2000 онд Эрүүл мэндийн газрын харьяа “Эрүүл Зүйн Лаборатори” болж 2002 онд Улсын Их Хурлын 2002 оны 58 дугаар тогтоол, Засгын Газрын тохируулагч, хэрэгжүүлэгч агентлаг байгуулах тухай 162 дугаар тогтоол, Ерөнхий сайдын Улсын мэргэжлийн хяналтын газрын бүтэц, удирдлагын орон тооны тухай 2002 оны 94 дүгээр захирамжийг үндэслэн 13 агентлаг нэгдэж, Улсын мэргэжлийн хяналтын газар, орон нутагт Мэргэжлийн хяналтын газрууд байгуулагдсан бөгөөд түүний бүтцэд лабораторитой байхаар тусгагдсан.

2005 оноос Аймгийн Засаг даргын захирамжаар Стандарт хэмжилзүйн төвийн лабораторид нэгдэж “Хүнсний Аюулгүй Байдлын Нэгдсэн Лаборатори” болсон. 2007 оноос Аймгийн Засаг даргын 2006.05.26-ны өдрийн 111 тоот захирамжаар СХЗТөийн дэргэд 2005 онд нэгдсэн байсан Хүнсний аюулгүй байдлын нэгдсэн лабораториос хими, нян судлалын лаборатиудыг буцаан салгаж Мэргэжлийн хяналтын газрын үйл ажиллагааны үндсэн чиглэлтэй уялдуулан, хяналт шалгалтын ажлын үнэн магадлалыг тогтоох, баталгаажуулах хариуцлагатай үүргийг хүлээх зорилготой байгуулагдаж “Эрүүл ахуйн хяналтын лаборатори” болсон.

2012 он Монгол Улсын ЗГ-ын 175-р тогтоолоор Аймгийн Стандарт хэмжил зүйн төвийн  дэргэдэх хими, нян судлал, таримал ургамлын үрийн лабораториудыг Мэргэжлийн хяналтын газрын “Эрүүл ахуйн хяналтын лаборатори”-той нэгтгэсэн.

2020 он Улсын төсөвт Лабораторийн барилга нэртэй тендер шалгаруулж 4 давхар бүхий шинэ барилга ашиглалтанд оруулсан. Лаборатори нь 4 давхартаа 3600 м.кв бүхий 16 өрөөттэйгээр үйл ажиллагаа явуулж “Аймаг орон нутгын жишиг лаборатори” гэж Итгэмжлэлийн үнэлгээгээр үнэлүүлсэн.

2023 оны Засгийн газрын 417 дугаар тогтоол гарсантай холбоотой 2023.01.01-нээс Аймгийн Стандарт, хэмжил зүйн хэлтсийн харьяанд  манай лаборатори нь орчин үеийн шинжилгээний арга аргачлалд тулгуурлан хүний эрүүл мэнд болон байгаль орчинд сөргөөр нөлөөлөх хими физик болон биологийн хүчин зүйлийг бүх төрлийн хүнсний бүтээгдэхүүн, гоо сайхны болон ахуйн химийн бүтээгдэхүүн, эм, эмийн уусмал, гол мөрөн, төвлөрсөн болон төвлөрсөн бус усан хангамжийн ус, ургамал, ургамлын үр, бусад түүхий эд бүтээгдэхүүнд тодорхойлж,  Хими хор судлал, Нян судлал, Ургамлын эрүүл ахуй, хорио цээр гэсэн үндсэн 3 лабораторитой  эрхлэгч, лабораторийн шинжээч-дээж хүлээн авагч /химич/, лабораторийн шинжээч-дээж хүлээн авагч /нян судлал/, лабораторийн шинжээч-дээж хүлээн авагч /хорио цээр/, лаборант гэсэн 5 орон тоотойгоор үйл ажиллагаа явуулж байна.

МЭНДЧИЛГЭЭ

Монгол Улсад Стандартчилал, хэмжил зүйн салбар үүсэн байгуулагдсаны түүхт 100 жилийн ойн баярын мэндийг манай сайтаар зочилж байгаа та бүхэндээ өргөн дэвшүүлье. Үе үеийн салбарын ахмадууд, ажилтан албан хаагчид, хамтран ажиллагч байгууллагууд, эрхэм та бүхэндээ энэхүү сайтаараа  дамжуулан уулзаж байгаадаа баяртай байна.

Монголчууд эрт цагаас эхлэн ахуй амьдралдаа хэв маяг, зан заншил, сургааль болгон ирсэн зарим ойлголтууд нь одоогийн стандартын нэгэн ижил ойлголт бөгөөд ард түмний дунд бичигдээгүй стандарт болон хөгжсөөр иржээ.

Ардын засгийн анхны он жилүүдэд ууган яамдын нэг болох Сангийн яамны дэргэд “Жин хэмжүүрийн тасаг” нээгдсэн нь гагцхүү манай салбарын үүсэл хөгжил, үндэс суурь нь байсан юм. 3 хүний орон тоотойгоор суурь нь тавигдаж байсан манай салбар өдгөө 21 аймагт салбар хэлтэстэй 720 гайруй албан хаагчтай нийгмийн хүлээлт, шаардлагад нийцсэн салбар болон хөгжиж байна.

Харин манай Хөвсгөл аймагт анх 1981 онд 3 хүний орон тоотой “Үнэ чанарын хэлтэс” байгуулагдаж байсан бол өдгөө орон нутгийн хэмжээнд салбарын бодлого үйл ажиллагааг зохион байгуулах 19 албан хаагчтайгаар төрийн ажил үйлчилгээг иргэд олон нийтэд хүргэж байгаа билээ.

Өнөөгийн бид бүгдийн ажил үйлчилгээний үр дүн, хүлээн зөвшөөрөгдсөн байдал нь энэ салбарт ажиллаж байсан үе үеийн эрхэм ахмадууд, албан хаагчид, хамтран ажиллагч байгууллага иргэд та бүхний гавьяа мөн гэдгийг тэмдэглэн хэлэх нь зүйтэй.

Та бүхэндээ хамгийн сайн сайхан бүхнийг хүсэн ерөөе.

Хөвсгөл аймгийн стандарт хэмжил зүйн хэлтсийн мэргэжилтэн Б.Батбаяр, Б.Дамдинсүрэн нар  Арбулаг,Баянзүрх,Улаан-уул,Ренчинлхүмбэ суманд албан томилолтоор ажиллаа.

1. Хэмжих хэрэгслийн баталгаажуулалтын мэргэжилтэн Б.Батбаяр НИК ХХК, Нэмэн ХХК, ХХК, Буянт ХХК, ДАЛАЙБАЯН ХХК, ЭМТ ХХК, МБЦ ХХК, ХӨВСГӨЛ ДЭЛГЭРХААН ХХК, ИТГЭЛ ХХК-ны Хэмжил зүйн тухай хуулийн 8.1-д заасан үйл ажиллагаандаа ашиглаж байгаа 10н шатахуун түгээх станцын 26н  түгээгүүрт MNS 3015:2014 ( Шатахуун түгээгүүр шалгах арга хэрэгсэл), стандартын хүрээнд ээлжит шалгалт, баталгаажуулалтын ажлыг хийж гүйцэтгэлээ.

2.Хэмжих хэрэгслийн баталгаажуулалтын мэргэжилтэн Б.Дамдинсүрэн аж ахуй нэгж иргэний худалдаа үйлчилгээний тооцоонд ашиглаж байгаа 47 хэмжих хэрэгсэлд  MNS OIML R 76-1 5311:2013 /Статик жинлэлтийн жин шалгах арга хэрэгсэл/ стандартын дагуу ээлжит шалгалт, баталгаажуулалт хийж ажиллалаа.