Хутаг-Өндөр сумын “Гурван борхууд”, Булган сумын “Тунамал-Өгөөж”, Хялганат тосгоны “Сүргийн нуга” ХХК-иудын хүсэлтийн дагуу Стандарт, хэмжил зүйн газрын Бүтээгдэхүүн тогтолцоо баталгаажуулалтын газрын даргаар ахлуулсан ажлын хэсэг батлагдсан удирдамжийн хүрээнд Органик бүтээгдэхүүний урьдчилсан үнэлгээг хийж ажиллаа.
Органик бүтээгдэхүүн гэдэг нь: Мал, амьтан, хүний эрүүл мэнд, хүрээлэн байгаа орчинд сөрөг нөлөөгүй, хүнсний түүхий эд, бүтээгдэхүүний байгалийн шинж чанарыг хадгалах үйлдвэрлэлийн арга технологиор үйлдвэрлэгдэж байгаа бүтээгдэхүүн юм. Үйлдвэрлэгч бүтээгдэхүүнээ итгэмжлэгдсэн байгууллагын баталгаажуулалтад хамруулснаар Органик бүтээгдэхүүн гэдгийг хэрэглэгчдэд нотолж, өрсөлдөх чадвараа дээшлүүлэх чухал ач холбогдолтой юм.