Архангай аймгийн Стандарт, Хэмжил Зүйн Хэлсийн 40 жилийн ой тохиож байна
Архангай аймгийн Стандарт хэмжил зүйн хэлтэс нь 1981 оны 01 сарын 01 -нд анх "Үнэ чанарын хэлтэс" нэртэйгээр дөрвөн орон тоотойгоор байгуулагдаж тулгын чулуугаа тавьж, галаа бадраан нийгэм төрийн байгууламжийн бүхийл хугацаанд хөгжин бэхжиж, Өдгөө 40 жилийн ойтойгоо золгож байна. Энэ хүү арвин баялаг түүхийн хугацаанд Ард иргэдийн аюулгүй орчинд амьдрах, хэрэглэгчдийг чанартай бүтээгдэхүүн, үйлчилгээгээр хангаж, хэрэглэгчийн эрх ашгийг хамгаалах чиглэлээр ажиллаж байна.
Тус хэлтэс нь Архангай аймгийн хэмжээнд Стандарт сан, Сургалт мэдээлэл, Тохирлын үнэлгээ, баталгаажуулалт, Хэмжил зүйн, Сорьц хяналтын чиглэлээр өргөн цар хүрээтэй үйл ажиллагааг явуулж өргөн мэдлэгтэй, ур чадвартай хүний нөөцтэй, улс, бүс нутгийн хэмжээнд үйл ажиллагаа нь хүлээн зөвшөөрөгдсөн төрийн байгууллага болтлоо хөгжсөнийг тэмдэглэхэд таатай байна.
Энэ номонд Архангай аймаг дахь "Стандарт хэмжил зүйн хэлтэс" анх байгуулагдсан цагаас хойш өдийг хүртэл түүхэн үйл явдал, ажиллаж байсан хамт олон, ахмад буурлууд, тэдний хийж бүтээсэн, ажил мэргэжлийн ур чадвар, төр түмэндээ нэрээ дуурсгасан, алдар гавьяа, намтар, түүнийг тусгаж хойч үедээ үлдээхийг хичээсэн нь онцлог болно.
Монгол улсад Стандартчилал Хэмжил зүйн байгууллага үүсэж хөгжөөд 98 жил болжээ. Үүний бүрэлдэхүүн Архангай аймагт Стандарт, Хэмжил зүйн алба үүсэж хөгжсөний 40 жилийн ойн баярыг тохиолдуулан тус хэлтэст ажиллаж байсан үе үеийн ахмад буурлууд, хамт олон, тэдний гэр бүл болон арын сайхан хангайн эрхэм үйлчлүүлэгч, харилцагч, хамтран ажилладаг байгууллага, аж ахуйн нэгжүүд, Стандарт хэмжил зүйн хэлтсийн Даргын нэрийн өмнөөс болон хамт олны зүгээс чин сэтгэлийн халуун мэндчилгээ дэвшүүлье.