Томоохон аж ахуй нэгж, байгууллагуудын нийгмийн хариуцлагыг үнэлнэ

orhon23oct

     Орхон аймгийн Засаг даргын 2016-2020 онд хэрэгжүүлэх үйл ажиллагааны хөтөлбөр болон түүнийг хэрэгжүүлэх төлөвлөгөө”-ний 8.1.7 аймгийн эдийн засаг, нийгмийг 2017 онд хөгжүүлэх Үндсэн чиглэлийн 8.1.2 дахь заалтыг аймгийн хэмжээнд хэрэгжүүлэх ажлыг зохион байгуулахаар Аймгийн Засаг даргын А/600 тоот захирамж  батлагдлаа.
     Захирамжаар аймгийн хэмжээнд үйл ажиллагаа явуулж байгаа томоохон аж ахуй, нэгж байгууллагуудад нийгмийн хариуцлагын талаар  стандартын дагуу үнэлгээ хийх ажлыг зохион байгуулан, холбогдох байгууллагуудыг мэргэжил арга зүйгээр ханган, үр дүнг танилцуулж ажиллахыг ажлын хэсгийн бүрэлдэхүүнд даалгасан байна.
     Ажлын хэсэг 2017 оны 10-р сарын 18-ны өдөр хуралдаж батлагдсан төлөвлөгөөний дагуу тус аймгийн аж ахуйн нэгж байгууллагын удирдах ажилтнуудад зориулан “Нийгмийн хариуцлагын удирдамж /зөвлөмж/ ISO 26000”  стандартын танилцуулах сургалтыг зохион байгуулахаар бэлтгэл ажлаа хангаж байна.
     Аж ахуйн нэгж, байгууллагууд нийгмийн хариуцлагатаа анхааран ажиллаж энэхүү стандартыг хэрэгжүүлснээр нийгэм, хүний болон хөдөлмөрлөх эрх, байгаль орчин, хууль зүй, шударга ёс, улс төр, цаашлаад үндэсний болоод олон улсын хэм хэмжээнд мөрдөж буй хэм хэмжээг сахин биелүүлэх, эдийн засгийн өсөлтийг хангах, тогтвортой байдлыг бий болгох, үйл ажиллагаагаа олон нийтэд бодитой, үнэн зөв тайлагнах, өрсөлдөөний хувьд илүү чадвартай болох олон нийт, нийгмийн зүгээс тухайн байгууллагад хандах хандлага, итгэл нэмэгдэх, түншүүд  хамтрагчдынхаа итгэлийг илүү олох, байгууллагынхаа нэр хүндийг дээшлүүлэх зэрэг олон давуу тал олж авах ач холбогдолтой юм

Стандарт, хэмжилзүйн хэлтсээс “Нээлттэй хаалганы өдөрлөг” зохион байгууллаа

22547754 1575456819177830 1824768832 n

       Дэлхийн стандартын  өдөр, Стандарт хэмжил зүйн ажилтны  өдрийг тохиолдуулан  “Эрдэнэт–Ус ДТС” ТӨХК-тай  хамтран хэрэглэгчдэд зориулж  “Нээлттэй өдөрлөг”- ийг зохион байгууллаа.
Нээлттэй хаалганы өдрийг 2017 оны 10-р сарын 10-нд “Эрдэнэт-Ус ДТС” ОНӨХК-ний  байранд  зохион байгуулж,  иргэдэд байгууллагын үйл ажиллагааны талаарх  товч танилцуулга, стандартын танилцуулга, бүтээгдэхүүн үйлчилгээний  баталгаажуулалт,  хэмжүүр,  хэмжих  хэрэгслийн баталгаажуулалтын  чиглэлээр  мэдээ, мэдээлэл, зөвлөгөөг  өгч, аж ахуйн нэгж, иргэдийн санал хүсэлтийг авч, газар дээр нь жин хэмжүүр, даралтын  аппарат  зэргийг баталгаажуулж, шаардлагатай  материал, гарын авлагаар хангаж ажиллав.

    Нээлттэй хаалганы өдрөөр   иргэд  мэдээлэл авч үйлчлүүлэхийн зэрэгцээ  талархал  илэрхийлж, бидний  ажлыг  дэмжиж  байлаа.  Уг өдрөөр иргэдээс ирсэн хүсэлт шийдвэрлэж, 4 аж ахуйн  нэгж, 3 иргэний хэмжүүр хэмжих хэрэгсэлд  баталгаажуулалт хийж, нийтдээ 4 аж ахуйн нэгж, 46 иргэнд  үйлчилгээ үзүүлсэн.  
      Монгол Улсын “Үндэсний тохирлын тэмдэг”-тэй бүтээгдэхүүн, ажил үйлчилгээг орон нутагт бий болгох ажлын хүрээнд Стандарт хэмжил зүйн газрын даргын тушаалаар “Орхон-Энх бүтэмж” ХХК, “Орда заан хошуу” ХХК, “Хаан хүнс Эрдэнэт” ХХК-ийн бүтээгдэхүүн, үйлчилгээнд “Үндэсний тохирлын тэмдэг” хэрэглэх эрх олгох тохирлын үнэлгээний ажлын хэсэг ажиллаж, Монгол улсад бүтээгдэхүүн, ажил үйлчилгээний баталгаажуулалтыг схемийн дагуу явуулах журмын дагуу үнэлгээ явуулж, дүгнэлт гаргалаа .

 

                                                  ОРХОН СХЗХ

СТАНДАРТ, ХЭМЖИЛЗҮЙН ХЭЛТСЭЭС хамтарсан шалгалтыг хийлээ

shalgat orhon


      Мал эмнэлэг. Гүүний вирус (Герпес-1)-т хээл хаях өвчнөөс сэргийлэх эсийн өсгөвөрт амьд вакцин. Техникийн шаардлага MNS 6034:2009 хэрэгжилт хэрхэн хангагдаж байгаа талаар Орхон, Булган аймгийн МХГ, СХЗХ, ОБГ, Цагдаагийн газар, сумдын ЗДТГ-тай хамтарсан үзлэг шалгалтыг Булган аймгийн Орхон, Хангал сумдын нутгаар 7-р сарын 24-26-ны хооронд зохион байгууллаа. Орхон аймгаас 4 байгууллагын хамтран баталсан удирдамж, Булган аймгийн Засаг даргын 2017 оны 5-р сарын 29-ны өдрийн А/292 тоот захирамжийн дагуу Булган аймгийн Орхон суманд үйл ажиллагаа явуулж буй 10, Хангал суманд үйл ажиллагаа явуулж буй 7 амралт сувиллын газарт хяналт шалгалтын ажлыг зохион байгууллаа.     
      Хангал суманд үйл ажиллагаа явуулж буй 12, Орхон суманд үйл ажиллагаа явуулж буй 13 амралт сувиллын газарт хяналт үнэлгээг зохион байгуулсан бөгөөд ажлын хэсэг шаардлагатай мэргэжил арга зүйн зөвлөгөөг өгч, илэрсэн зөрчил дутагдал, санал, дүгнэлтийг гаргаж ажиллаа.
Мөн хүүхдийн зуслангийн үйл ажиллагаа, ерөнхий шаардлага MNS 5633:2013 стандартын хэрэгжилтийг аймгийн Цагдаагийн газар, МХГ, Хүүхэд гэр бүл залуучуудын хөгжлийн газартай хамтарсан хяналтыг хийж, үнэлэлт дүгнэлт гаргасан. Үнэлгээг “Эрдэнэт-Үйлдвэр” ХХК-ийн ”Найрамдлын Эрдэнэс” зуслан, “Энэрэл” зуслангуудын үйл ажиллагаанд хийв.
Аймгийн хэмжээнд үйл ажиллагаа явуулж буй үсчин, гоо сайхны үйлчилгээний газруудыг Үс засах үйлчилгээ  MNS 5160:2002 стандарт, Гоёлын гоо заслын үйлчилгээний MNS 5567:2006 стандартуудын дагуу тус тус үнэлж дүгнэж хяналт тавилаа.
      МХГ, ЭМГ, ХЭАХН-тэй хамтран зохион байгуулж, нийт 34 үсчний газар, 28 гоо сайхны газруудыг хамруулж, гарсан зөрчил дутагдлыг арилгуулах арга зүйн зөвлөмжөөр хангаж ажилласан. Энэ ажлын хүрээнд цаашид тухайн үйлчилгээний газруудын ажилтнуудыг сургалтанд хамруулаж мэдээлэлээр хангаж ажиллахаар шийдвэрлэв.

“ТӨВИЙН БҮСИЙН ТҮНШЛЭЛ-2017” брэнд, шилдэг бүтээгдэхүүн шалгаруулах үзэсгэлэн худалдаа зохион байгууллаа

 Dar26


     Дархан хот байгуулагдсаны 56 жилийн ойн хүрээнд хүрээнд “Төвийн бүсийн түншлэл-2017” Аймгийн брэнд, шилдэг бүтээгдэхүүн шалгаруулалт 9-р сарын 22-ноос 24-ны өдрүүдэд Залуучууд театрын танхимд амжилттай зохион байгуулагдлаа.  Стандарт хэмжилзүйн хэлтэс нь Аймгийн Засаг Даргын Тамгын Газар, Худалдаа Аж Үйлдвэрийн Танхимтай хамтран 18 дахь жилдээ зохион явуулж байгаа энэхүү үзэсгэлэн худалдаанд Улаанбаатар, Төв, Сэлэнгэ, Завхан зэрэг аймгуудын 58 бизнес эрхлэгчид оролцож бараа бүтээгдэхүүний өргөн сонголттойгоор Дарханчуудад сугалаатай, хямдралтай үнээр борлуулдагаараа ач холбогдолтой. Үзэсгэлэнгээр нийт 20 сая төгрөгийн борлуулалт хийгдсэн юм.
   
      Үзэгэлэнгийн үеэр “Аймгийн брэнд, шилдэг” бүтээгдэхүүний сонгон шалгаруулалтыг явууллав.
Тус шалгаруулалтанд:
1.    Аймгийн брэнд бүтээгдэхүүнээр “Түгээмэл түмэн хишиг” ХХК-ийн “Хөөсөнцөр хавтан”
2.    Аймгийн шилдэг аж үйлдвэрийн бүтээгдэхүүнээр “Дархан Нэхий” ХК-ийн “Өвлийн хос хүрэм”
3.    Аймгийн шилдэг хүнсний бүтээгдэхүүнээр “Мөнх Дэгжих Гал” ХХК-ийн “Хүрээ чанамал хиам”
4.    Шилдэг эко бүтээгдэхүүнээр “Дархан Ариун Ундарга” ХХК-ийн “Жимс жимсгэнэ” тус тус шалгарч манлайллаа.

“НЭЭЛТТЭЙ ХААЛГАНЫ ӨДӨР” зохион байгууллаа

 dar 9


     Дархан-Уул аймгийн Засаг Даргын санаачлагаар зохион байгуулагдаж байгаа ажлын өдрүүдээр төрийн үйлчилгээг авч амждаггүй иргэдэд түргэн, шуурхай, чирэгдэлгүй үйлчилгээ үзүүлэх, иргэдийн санал хүсэлтийг төрийн бодлогод тусган хэрэгжүүлэх зорилготойгоор явагдаж буй нээлттэй хаалганы өдрийн хүрээнд Стандарт хэмжилзүйн хэлтсээс дараах үйлчилгээг иргэдэд үзүүллээ.
   
Үүнд:
    1.“Дархан Меат Фүүдс” ХХК 100 тн адууны махыг БНХАУ-руу, Эко Фүүдс трейд ХХК 19806,81,18 кг хурга /төлөг/ махыг Иран улс руу тус тус 5 экспортын гэрчилгээ гаргав.
    2. 7 ААН-ид 7 тохирлын гэрчилгээ олголоо.
    3. 8 иргэн, ААН-ид шинээр батлагдсан олон улсын 3 стандартаар мэдээлэл, зөвлөгөө өглөө.
   4. 3 иргэний 3 электрон жин, 5 ААН-ийн 5 термометр, 26 манометр нийт 34 хэмжих хэрэгсэл баталгаажуулж, 5 иргэнд хэмжих хэрэгслийн аюулгүй байдлын талаар зөвлөгөөг өгөв.
Стандарт хэмжилзүйн хэлтэс нийт 12 иргэнээс санал, хүсэлт авч, 25 иргэн аж ахуй нэгжид төрийн үйлчилгээг үзүүллээ.

Эмийн  сангийн үйлчилгээ эрхлэгчдийг
стандарт, хэмжилзүйн мэдээллээр хангалаа

 orh 9.26

 

2017.07.01

             Орхон аймагт ажиллаж байгаа эмийн сангийн үйлчилгээ эрхлэгчдэд зориулан АЗДТГазраас  зохион байгуулсан сургалтанд хамтран оролцож  Стандартчилал, тохирлын баталгаажуулалт, хэмжих хэрэгслийн баталгуулалт, сорьцийн хяналтын талаарх хууль тогтоомж, тэдгээрийн хэрэгжилтийн байдлыг танилцууллаа.
          Сургалтанд нийт 65 аж ахуйн нэгжийн удирдлага, ажилтнууд хамрагдсан байна.

Хөдөлмөрийн аюулгүй байдал эрүүл ахуйн
стандартуудаар сургалт явууллаа

orhon 09

     Орхон аймгийн Хөдөлмөр халамж үйлчилгээний хэлтэс, АҮЭХолбоотой хамтран тус аймагт хувиараа хөдөлмөр эрхлэгч ахмадууд болон хөгжлийн бэрхшээлтэй иргэдэд зориулан 2017 оны 9-р сарын 14, 15-ны өдрүүдэд  зохион байгуулсан 2 удаагийн  ХАБЭА-н  сургалтанд холбогдох хууль эрхзүйн хэрэгжилтийн хангах зорилгоор  тус хэлтсийн Стандарт хариуцсан мэргэжилтэн хамтран оролцож Хөдөлмөрийн аюулгүй байдал эрүүл ахуйн холбогдох стандартуудаар сургалт, сурталчилгаа хийлээ.
     Сургалтаар Монгол улсад мөрдөгдөж байгаа хөдөлмөрийн нөхцөл, хөдөлмөрийн аюулгүй байдлын стандартууд, стандартын үндэсний цахим хуудас  болон “Хөдөлмөрийн эрүүл мэнд, аюулгүй байдлын удирдлагын тогтолцоо” MNS OHSAS 18001: 2012 стандартын талаар дэлгэрэнгүй танилцуулж,  тараах материал бэлтгэн хангалаа. Сургалтанд нийт 38 ажилтан хамрагдсан байна

Өмнөговь аймгийн СХЗХ "Говь фестиваль" арга хэмжээний ажлын хэсэгт орж ажиллаа
2017.09.25 2
 
       2017 оны 9 дүгээр сарын 22, 23 ны өдрүүдэд Өмнөговь аймагт "Малчны өдөр", "Говь фестиваль" арга хэмжээ 13 дахь жилдээ зохион байгуулагдаж шилдэг бүтгээгдэхүүн болон аж ахуйн нэгж байгууллагуудаа шалгарууллаа. Арга хэмжээнд нийт 13 сумын 200 орчим аж ахуйн нэгж, малчид, иргэд оролцож 80 гаруй сая төгрөгийн борлуулалт хийсэн байна. Энэ жилийн арга хэмжээ төрөл бүрийн цагаан идээ, жимс хүнсний ногоо, гар урлалын бүтээгдэхүүнээр үзэсгэлэн гаргахаас гадна тог бага зарцуулдаг, дулаан сайн барьдаг, агаарын бохирдлыг бууруулах ач холбогдол бүхий шинэлэг технологи-цахилгаан халаагуурын танилцуулга, мөн малчид иргэдэд нэн хэрэгцээтэй зөвлөмжүүдийг өгч байснаараа илүү онцлог болсон юм.

       Арга хэмжээнд ролцогчдыг 12 номинацаар шалгаруулсан ба Шилдгийн шилдэг гран при шагналын эзнээр ХӨМҮҮЛИЙН СОРС ШИНЭ БРЭНД БҮТЭЭГДЭХҮҮНЭЭР оролцсон Даланзадгад сумын "Өнөд өвлөх урлахуй" ХХК шалгарлаа.

2017.09.25 1

1.Хамгийн зохион байгуулалттай оролцсон нэгж: Баяндалай сумын Гурван сайхан бүлэг

2.Шилдэг оёдолчин: Гурвантэс сум, Б.Мядагсүрэн

3.Шилдэг гар урлалын бүтээл: Баян-Овоо сум, Ц.Цолмон

4.Шилдэг гэр ахуйн бүтээгдэхүүн: Цогтцэций сум, С.Жаргал

5.Хүнсний шилдэг бүтээгдэхүүн: Сэврэй сум, Сайншанд малчдын бүлэг, ЭЭЗГИЙ

6.Шилдэг хоршоо, бүлэг, нөхөрлөл: Манлай сум, Мандах нар бүлэг

7.Хүнсний шилдэг сав баглаа боодол: Даланзадгад сум, Ганган арвай талх нарийн боовны цех

8.Шилдэг өрхийн үйлдвэрлэгч цагаан идээ: Хүрмэн сум, И.Ургамал

9.Шилдэг газар тариалан эрхлэгч: Даланзадгад сум, А.Оюунтуяа

10.Хамгийн зохион байгуулалттай оролцсон сум: Даланзадгад сум

11. Шилдэг маркетингтай нэгж: Булган сум, Анх сан хоршоо тус тус шалгарч, өргөмжлөл мөнгөн шагналаар шагнууллаа.

 

“Хэмжилзүйн ерөнхий онол, хэмжүүрийн алдаа” сэдэвт сургалт зохион байгууллаа

 

2017.09

     Дархан-Уул аймгийн Стандарт хэмжилзүйн хэлтсийн механик, цулын улсын шалгагч Г.Батмөнх сургалтын нэгдсэн төлөвлөгөөний дагуу 2017 оны 9-р сарын 5-ны өдөр Онцгой байдлын газрын улсын нөөцийн  албан хаагчид болон “Улаанбаатар гурил” ХХК-ийн лабораторийн ажилтнуудад авто машины жин, лабораторийн жингүүдийн ашиглалт, хамгаалалт, аюулгүй ажиллагаа, алдааг хэрхэн тодорхойлох талаар “Хэмжилзүйн ерөнхий онол, хэмжүүрийн алдаа” сэдэвт үзүүлэх сургалтыг амжилттай зохион байгууллаа.

Дархан-Уул аймаг Стандарт, хэмжилзүйн хэлтсийн дэргэдэх Баталгаажуулалтын орон тооны бус зөвлөлийн ээлжит хурал зохион байгуулагдлаа

 

darhan 09


    Дархан-Уул аймгийн Стандарт хэмжилзүйн хэлтсийн дэргэдэх баталгаажуулалтын орон тооны бус зөвлөлийн хурлыг 9-р сарын 15-нд зохион байгууллаа.
Баталгаажуулалтын шинжээч нар 8, 9-р сард 26 ААН, иргэний 26 үйлчилгээний газарт тохирлын үнэлгээ явуулж, стандартын “шаардлагын хэмжээнд” гэж үнэлэгдсэн 19 үйлчилгээний газрыг хурлаар хэлэлцүүлж, 12 үйлчилгээний газарт тохирлын гэрчилгээг олгохоор шийдвэрлэж, 3 үйлчилгээний газарт санамж, зөвлөмж, нэмэлт үүрэг даалгавар өгч дараагийн хурлаар хэлэлцэхээр шийдвэрлэлээ.  4 үйлчилгээний газар хуралд ирээгүй тул дараагийн хурлаар хэлэлцүүлэхээр болов.

“Эрдэнэт үйлдвэр” ХХК-ний лабораториудад итгэмжлэлийн магадлан шалгалт хийлээ

2017.09.12

 “Эрдэнэт-Үйлдвэр ХХК-ний Чанар хяналтын хэлтсийн Хэмжил зүйн албаны шалгалт тохируулгын лабораториудад итгэмжлэлийн магадлан шалгалт явуулах ажлыг СХЗГ-ын даргын 2017 оны 9-р сарын 5-ны өдрийн А/257 дугаар тушаалаар томилогдсон ажлын хэсэг удирдамжийн дагуу үнэлгээний тэргүүлэх мэргэжилтэн Д.Цацрал, орон нутгийн хэмжүүрийн улсын шалгагч Н.Сарантуяа нарын бүрэлдэхүүнтэй хийж гүйцэтгэлээ.

Тус хэмжил зүйн албаны итгэмжлэгдсэн шалгалт тохируулгын лабораториуд нь “Сорилтын болон шалгалт тохируулгын лабораторийн чадавхид тавих ерөнхий шаардлага” MNS ISO/IEC 17025:2007 стандартаар тогтоосон шаардлагад нийцсэн удирдлагын тогтолцоог бий болгон хэрэгжүүлж, хадгалах талаар А.В.С түвшний баримт бичгийг баримтжуулан мөрдөж байна.

Магадлан шалгалтыг тус албаны сүүлчийн итгэмжлэлээс хойш хийсэн ажил, өөрчлөлт, эталон тоног төхөөрөмж хэмжих хэрэгслийн шинэчлэл, итгэмжлэлийн техникийн хороо болон үнэлгээний ажлын хэсгээс өгсөн үүрэг даалгаврын биелэлт, итгэмжлэлийн гэрээний биелэлт, боловсон хүчний чадавх зэрэг дээр магадлан шалгалт хийсэн.

Дүгнэлтээр “Эрдэнэт-Үйлдвэр” ХХК-ний Чанар хяналтын хэлтсийн Хэмжил зүйн албаны шалгалт тохируулгын лабораториуд MNS ISO/IEC 17025:2007 стандартын шаардлагад үргэлжлэн нийцэж байна гэж үзсэн болно

ОРХОН СХЗХ

Авто жинг шалгаж баталгаажууллаа

2017.09.14

        2017 оны 09 дүгээр сарын 12-ны өдөр Өмнөговь аймгийн СХЗХэлтсийн массын хэмжүүрийн улсын шалгагч Н.Элдэв-Очир Баян-Овоо сумын Мөнхноён суврага ХХК-ийн Цант-Уул уурхайн 2ш авто жинг Мэйжурмэнт ХХК тай хамтран засвар тохиргоо батлгаажуулалтын ажлыг хийж гүйцэтгэлээ. Үүнд: М1 ангийн 50000 кг туухай болон хуулбар ачаа ашиглав.

Өмнөговь аймгийн СХЗХ

Байгаль орчны менежментийн тогтолцоо. Шаардлага, хэрэглэх арга зүйн заавар MNS ISO 14001:2016 стандартаар сургалт мэдээлэл зохион байгууллаа

         Дархан-Уул аймгийн Стандарт хэмжилзүйн хэлтэс шинээр батлагдсан стандартыг олон нийтэд түгээх ажлын хүрээнд төлөвлөгөөний дагуу 2017 оны 9-р сарын 5-ны өдөр “Дархан Минж” ХК-ийн удирдах ажилтнуудад “Байгаль орчны менежментийн тогтолцоо. Шаардлага, хэрэглэх арга зүйн заавар MNS ISO 14001:2016” стандартаар сургалт явуулж, зөвлөгөө өглөө.

fjdkg;fk

        “Дархан Минж” ХК нь Чанарын менежментийн тогтолцоо ISO 9001  стандартыг нэвтрүүлэх төлөвлөгөөтэй байгаа бөгөөд энэхүү сургалтаар стандартын тухай ерөнхий ойлголтоо бататгасан юм. Түүнчлэн Олон Улсын Чанарын Удирдлагын Тогтолцооны стандартуудын талаар суурь мэдлэг өгч, ISO 9001-ийн агуулга болон зарчим, шинээр батлагдсан стандартуудын талаар мэдээлэн, харилцан ярилцаж, санал бодлоо солилцлоо.

2017.06 
  

Дархан-Уул аймгийн СХЗХ

“Шуурхай зөгий” ХХК-ийн үйл ажиллагаа, стандарт хэрэгжилтийн тухай

 2017.08.23

      2017 оны 8 дугаар сарын 2-ны өдөр Дархан-Уул аймгийн Засаг Даргын Тамгын Газрын хөрөнгө оруулалт, хөгжлийн бодлого төлөвлөлтийн хэлтсийн дарга С.Баясгалан, мэргэжилтнүүд, Стандарт, Хэмжил зүйн Хэлтсийн дарга И.Алтанцэцэг, тус хэлтсийн дэргэдэх орон тооны бус баталгаажуулалтын зөвлөлийн гишүүд, Хүнс Хөдөө Аж Ахуйн Газрын мэргэжилтнүүд хамтран “Шуурхай зөгий” ХХК-ийн үйл ажиллагаатай газар дээр нь танилцлаа.
    Монгол Улсын Засгийн газрын 2016 оны 344 дүгээр тогтоолоор баталсан “Үндэсний чанарын хөтөлбөр”–т Бүтээгдэхүүн, үйлчилгээний чанарыг дээшлүүлэх, байгаль орчинд ээлтэй ногоон технологийг нэвтрүүлэх зорилтын хүрээнд:
“Мах, махан бүтээгдэхүүн, чацаргана, зөгийн бал, ноос, ноолуур, арьс шир, оёмол бүтээгдэхүүн, аялал жуулчлал зэрэг бүтээгдэхүүн, үйлчилгээний стандартыг европын болон олон улсын стандартад нийцүүлэх” талаар заасныг орон нутагт хэрэгжүүлэх зорилгоор Зөгийг үржүүлэх, зөгийн балыг органик байдлаар нь хэрэглэгчдийн гар дээр хэрхэн хүргэдэг байдал дээр Зөгийн цэвэр бал. Техникийн ерөнхий шаардлага MNS 6294:2011 стандартын шаардлагын дагуу тохирлын үнэлгээг газар дээр нь хийв.

2017.08.23 2
     “Шуурхай зөгий” ХХК-ийн савлаж буй “Оргил” зөгийн балныхаа талаар зөвлөх Баатарсүрэн танилцуулан, цаашид зөгийн аж ахуйг хөгжүүлэх, зөгийн цэвэр балны үйлдвэрлэлийн стандартыг шинэчлэх шаардлагатай байгаа талаар ярилцлаа.

Сэлэнгэ аймгийн Стандарт хэмжил зүйн хэлтэс ШТС-ын ажилтнуудын дунд “Ур чадвартай мэргэжилтэн” арга хэмжээ зохион байгуулагдлаа

2017.07.04 2

   Сэлэнгэ аймгийн Стандарт хэмжил зүйн хэлтэс, Ашигт малтмалын газрын тосны газрын төлөөлөгч нар хамтран Төрийн үйлчилгээний чанар хүртээмжийг нэмэгдүүлэх, шатахуун түгээх үйлчилгээний ажилтнуудын мэдлэг чадварыг дээшлүүлэх, ажлын уялдаа холбоог сайжруулах зорилгоор “Ур чадвартай мэргэжилтэн” ажил мэргэжлийн болон спортын арга хэмжээг зохион байгууллаа.

   Тус тэмцээнд “НИК” ХХК-ий баг нийт дүнгээр тэргүүн байр эзлэн“METROLOGY -20” шилжин явах цомын эзэн “Манлайлагч хамт олон” өргөмжлөлөөр шагнагдаж, дэд байрыг “МТЧ” ХХК-ий баг, гутгаар байрыг “Шунхлай” ХХК-ий баг хамт олон тус тус эзэлж ур чадвараараа өрсөлдсөн байна.

   Уг арга хэмжээнд Сүхбаатар сумын 5 аж ахуй нэгжийн ШТС-ын нийт 70 гаруй ажилтан хамрагдаж чөлөөт цагийг зөв боловсон өнгөрүүлэхийн хажуугаар харилцан туршлага солилцох, хамтын ажиллагааг сайжруулах ажил болж өнгөрлөө.

   Мөн урилгаар Онцгой байдлын газрын ажилтан, Мэргэжлийн хяналтын байцаагч нар оролцож, өөрсдийн бэлдсэн ажил мэргэжлийн тэмцээнээ явуулж хамтран ажиллалаа.

 Хүлэмжийн стандартын тухай танилцууллаа

2017.07.03

           Стандартчиллын үндэсний зөвлөлийн 2016 оны 12 дугаар сарын 22–ны өдрийн 63 дугаар тогтоолоор батлагдан 2017 оны 01дүгээр сарын 10-ны өдрөөс эхлэн мөрдөгдөж байгаа “Зуны нийлэг хальсан хүлэмж. Техникийн ерөнхийшаардлага MNS 6636:2016Өвлийн халаалттай нийлэг хальсан хүлэмж. Техникийн ерөнхий шаардлагаMNS 6637:2016стандартуудыг Орхон аймгийн иргэд, хэрэглэгчдэд орон нутгийн мэдээллийн цахим хэрэгслээр танилцуулж, тус аймгийн ХХААГазартай хамтран хүлэмжийн аж ахуй эрхэлж байгаа аж ахуйн нэгж, иргэдэд танилцуулах сургалт зохион байгууллаа.

Сургалтаар Стандартчилал тохирлын үнэлгээний тухай болон Хэмжлийн нэгдмэл байдлыг хангах тухай хууль, хүлэмжийн, бордооны, хүнсний болон нөөшилсөн ногооны стандаруудын мэдээлэл, тохирлын гэрчилгээ болон тохирлын тэмдгийн тухай ойлголтыг таниулан сурталчиллаа.

 

Орхон аймгийн Стандарт, хэмжил зүйн хэлтэс

Сэлэнгэ аймаг "Дэлхийн итгэмжлэлийн өдөр"-ийг тохиолдуулан Итгэмжлэгдсэн сорилтын лабораториудын үйл ажиллагааг сурталчиллаа

2017.07.04 1

   Дэлхийн итгэмжлэлийн өдрийг тэмдэглэн өнгөрүүлэх ажлын хүрээнд төрийн байгууллагуудын харъяа итгэмжлэгдсэн лабораториудын үйл ажиллагаатай танилцан Итгэмжлэлийн танилцуулага, гарын авлагаар ханган зөвлөмж мэдээлэл өгч ажиллалаа.
Орон нутгийн  “Миний монгол” ТВ, “Таны сэлэнгэ” ТВ болон аймгийн албан ёсны цахим хуудаснаа “Итгэмжлэл бидний өдөр тутмын амьдралд” сэдэвт шторк, итгэмжлэгдсэн байгууллагуудын үйл ажиллгааны тухай мэдээ мэдээллийг бэлтгэн сурталчиллав.
   Мөн аймгийн төвийн “Гурван мэргэд” хүнс барааны зах, “Олон улсын худалдааны төв”-ийн худалдаа, үйлчилгээ эрхлэгч нарт “Дэлхийн итгэмжлэлийн өдөр” сэдэвт  зурагт хуудас, материал бэлтгэн тарааж хэрэглэгчдэд лабораторийн сорилтын үр дүн ямар нэг эргэлзээгүй, дэлхийн хаана ч давтан гүйцэтгэсэн үр дүн ижил байдгийг тайлбарлан аймгийн хэмжээнд үйл ажиллагаа явуулж буй лаборатори болон бүтээгдэхүүн, үйлчилгээний байгууллагуудыг  олон улсын MNS ISO/ IEC 17025,  MNS ISO/ IEC 17065 стандартаар итгэмжлэгдэж хүлээн зөвшөөрөгдсөн байгууллага болохыг онцлон танилцуулж сурталчлах ажлыг зохион байгууллаа.

Орхон аймгийн Стандарт, хэмжил зүйн хэлтсийн үйл ажиллагаа хэрэглэгчдээс талархал хүртэж байна

2017.06.20

Тус хэлтэс нь мэдээллийн ил тод байдлыг хангах тухай хуулийг хэрэгжүүлэхтэй холбогдуулан байгууллагын үйл ажиллагааны ил тод байдлыг чиглэл бүрээр харуулсан самбар хийлгэн хэрэглэгчдэд ил тод газар байрлуулан ашиглаж байгаагийн зэрэгцээ үйлчлүүлэхээр орж ирсэн иргэдээс байгууллагын үйл ажиллагааны санал асуулгыг авч, ямар алдаа дутагдал байгааг цаг тухайд нь засаж, иргэд хэрэглэгчдийн саналыг сонсож ажиллаж байна.

Энэ оноос “Угтах үйлчилгээ”-г байгууллагадаа нэвтрүүлэн үүдэнд угтах үйлчилгээний самбарыг байрлуулж, хэлтсийн харуулууд болон угтах үйлчилгээг хариуцсан ажилтанд угтах үйлчилгээний талаар болон байгууллагын стандартын 4-р зүйлд тусгасан “Үйлчлүүлэгчтэй харьцахад тавигдах шаардлага”-ыг хэвшүүлэхэд чиглэн сургалт явуулж, стандартыг чанд мөрдөхийг үүрэг болгон хэрэгжилтийг хангуулж ажилласнаар иргэдийн сэтгэлд хүрч, талархлыг хүлээсэн ажлын нэг болж байна.

ОРХОН СХЗХ

БАТАЛГААЖУУЛАЛТЫН ОРОН ТООНЫ БУС ЗӨВЛӨЛИЙН ХУРАЛ ЗОХИОН БАЙГУУЛЛАА

 2017.06


Стандарт Хэмжилзүйн Хэлтсийн дэргэдэх Баталгаажуулалтын орон тооны бус зөвлөлийн хурал өнөөдөр 2017 оны 6-р сарын 9-нд боллоо. Дархан-Уул аймагт нийтийн зорчигч тээврийн үйлчилгээ эрхэлдэг нийт 12 аж ахуй нэгж байдгаас хот хооронд 5, хот орчмын 3, хот доторх 5-н компани үйл ажиллагаа явуулдаг. Эдгээр аж ахуй нэгжүүдийн үйл ажиллагаанд аймгийн Засаг даргын 2017 оны 04 дүгээр сарын 12-ний өдрийн А/141 дугаар захирамжаар батлагдсан ажлын хэсэг удирдамжийн хүрээнд хамтарсан шалгалтыг явууллаа.
 Стандартын хэрэгжилтийн дүн дунджаар хот хооронд болон хот орчмын зорчигч тээврийн үйлчилгээ эрхэлдэг ААН-үүдийн хувьд 85.2%-тай, хот доторх нийтийн тээврийн хувьд 77%-тай байна. Иймд ААН-д стандартын хэрэгжилтийг хангуулах, зорчигчдын аюулгүй, ая тухтай зорчих нөхцлийг хангуулах, симфор логогоо бүрэн тавих, тээврийн хэрэгслийн гол заалт болох насжилт гэх мэт шаардлагуудыг бүрэн хангахыг үүрэг болголоо.

Дэлхийн хэмжил зүйн өдрөөр дараах ажлуудыг зохион байгууллаа

 

2017.05.25 3

Ховд аймгийн Стандарт, хэмжил зүйн хэлтэс 2017 оны 4 дүгээр сарын 19-өөс 5 дугаар сарын 19-ийг хүртэл сарын аян зохион байгуулан ажиллаж, аяны хүрээнд тус хэлтэс нь дараах ажлуудыг хийж гүйцэтгэв.

1. Дэлхийн хэмжил зүйн өдрийн аяныг нээж, Стандарт, хэмжил зүйн хэлтсийн дулаан даралтын хэмжүүрийн улсын шалгагч А.Самданхүү, стандартын салбар сан, сургалт хариуцсан мэргэжилтэн Д.Гантуяа нар 2017 оны 4 дүгээр сарын 20-ны өдөр Ховд аймгийн Жаргалант сумын Цаст-Алтай цогцолбор сургуулийн төгсөх ангийн 50 гаруй сурагчдад “Стандарт, хэмжил зүйн хэлтсийн үйл ажиллагаа, зорилго чиглэл”, “Хэрэглэгч, олон нийтэд зориулсан хэмжил зүйн тухай ойлголт”, “Стандартын тухай ерөнхий ойлголт”, “Монгол Улсад мөрдөгдөж байгаа стандарт”-ын талаар сургалт зохион байгуулав. Энэ үеэр сурагчдын асуусан асуултанд хариулт өгч харилцан ярилцаж, байгууллагын товч танилцуулга бүхий шторк үзүүллээ.

2. 2017 оны 5 дугаар сарын 15-нд түүхий эдийн Цагаан морь зах, хүнсний Их Буян захын жингүүдэд шалгалт баталгаажуулалт хийж шаардлага хангасан нийт 19 жинд гэрчилгээ олгож, савласан хүнсний бүтээгдэхүүний жинд хяналт тавин тэдэнд сав баглаа боодлын стандартын талаар мэдээлэл өгч, брошур гарын авлага мэдээллээр ханган ажиллаа.

2017.05.25 1

3.  Жаргалант сумын захуудад үйл ажиллагаа явуулж байгаа зоогийн газрын ажилтнуудад 2017 оны 5 дугаар сарын 10-ны өдөр “Нийтийн хоолны газарт тавигдах шаардлага” сэдвээр сургалт зохион байгуулав.

Сургалтанд нийт 30 гаруй үйлчилгээний газрууд хамрагдаж, тэдэнд гарын авлага, зөвлөмж хүргүүлэн, мэдээлэл өгч, цаашид хамтран ажиллах талаар санал бодлоо солилцлоо.

4. 2017 оны 5 дугаар  сарын 16-ны өдөр Баруун бүсийн Хан-Орд хүнсний зах дээр мах махан бүтээгдэхүүн, сүү сүүн бүүтээгдэхүүн, хүнсний ногоо, хүнсний бараа борлуулагч нарын нийт 20 гаруй жинд ээлжит баталгаажуулалт хийж, тэдэнд гарын авлага, мэдээллээр ханган хэлтсийн үйл ажиллагааг танилцууллаа.

2017.05.25 2

5. Стандарт, хэмжил зүйн хэлтэс нь 2017 оны 5 дугаар сарын 17-ны өдөр Мэргэжлийн хяналтын газар, Ховд аймгийн Булган дахь гаалийн газартай хамтран Ард Аюушын талбайд “Нээлттэй хаалганы өдөрлөг” зохион байгуулж, Дэлхийн хэмжил зүйн өдрийг угтсан сарын аяны хаалтыг хийлээ.

2017.05.25 3

 “Нээлттэй хаалганы өдөрлөг”-өөр үйл ажиллагааг нээж хэлтсийн дарга нар үг хэлж, аймгийн Засаг даргын тамгын газрын төлөөлөл, бизнес эрхлэгч нарын төлөөлөл, аж ахуйн нэгж байгууллага, иргэдэд хэлтсийн танилцуулга, сарын аяны хүрээнд хийж хэрэгжүүлсэн ажлаа танилцуулж мэндчилгээ дэвшүүллээ.

Хэлтсийн талаарх танилцуулга, хэмжүүр хэмжих хэрэгсэл, ажил, үйлчилгээний баталгаажуулалт, стандарт, сорьцын хяналтын талаар зөвлөмж, гарын авлагаар ханган, эталон тоног төхөөрөмжийг иргэдэд сурталчилан тэдэнд иргэд, аж ахуйн нэгжээс ирсэн санал гомдлыг хүлээн авч бүртгэн шийдвэрлэж ажиллав.

Мөн энэ үеэр Ховд телевизэд хэлтсийн 2017 оны эхний 5 сарын байдлаар хийсэн ажил, сарын аяны хүрээнд хийсэн ажлуудын талаар мэдээлэл хийлээ.

“Нээлттэй хаалганы өдөрлөг”-ийн үеэр иргэд, аж ахуйн нэгжийн дунд нээлттэй хэлэлцүүлэг хийж, тэдний сонирхсон асуултанд хариулт өгч, цаашид хамтарч ажиллах тал дээр санал бодлоо солилцов.

“Нээлттэй хаалганы өдөрлөг”-ийн үеэрх арга хэмжээ:

2017.05.25 4

Нээлттэй хэлэлцүүлэг

2017.05.25 5

Телевизийн нэвтрүүлэг

2017.05.25 6

“Нээлттэй хаалганы өдөрлөг”-ийн үеэр зохион байгуулсан Аха тэмцээн

Лабораторийн ажилтнуудыг чадавхижуулах сургалт боллоо

 

2017.05.24

Орхон аймагт хүнсний бүтээгдэхүүний сорилт шинжилгээ хийдэг төрийн болон үйлдвэр аж ахуйн нэгжийн дотоодын хяналтын лабораторийн ажилтнуудад зориулан 2017 оны 5 дугаар сарын 12-ны өдөр зохион байгуулсан “Хүнсний үйлдвэр, аж ахуйн нэгжийн лабораторийн ажилтнуудын ур чадварыг сайжруулах, малын гаралтай хүнсний бүтээгдэхүүнд тавих чанар аюулгүй байдлыг баталгаажуулах дадлага” сургалтанд Аймгийн Мэргэжлийн Хяналтын Газар болон Хүнс, Хөдөө Аж Ахуйн Газартай хамтран оролцож “Сорилтын болон шалгалт тохируулгын лабораторийн чадавхид тавих ерөнхий шаардлага MNS ISO/IEC 17025 стандартыг танилцуулж, оролцогчдоос асууж сонирхсон итгэмжлэлийн үйл ажиллагаатай холбогдох мэдээллийг хүргэлээ. Сургалтанд нийт 3 байгууллага 11 аж ахуйн нэгжийн 23 ажилтан хамрагдсан байна.

 

Орхон аймгийн Стандарт, хэмжил зүйн хэлтэсХөдөлмөрийн харилцааны хууль тогтоомжийн үзлэг шалгалт хийлээ

 

Орхон аймгийн Засаг даргын 2017 оны А/165 тоот захирамжаар батлагдсан удирдамжын дагуу Хөдөлмөрийн тухай, Хөдөлмөрийн аюулгүй байдал эрүүл ахуйн тухай, Нийгмийн даатгалын тухай, Хөдөлмөрийн хөлсний доод хэмжээний тухай хуулиуд болон холбогдох тушаал шийдвэрийн хэрэгжилтийн байдалд үнэлэлт өгөх, илэрсэн зөрчил дутагдлыг засаж арилгуулах, мэргэжил арга зүйн удирдлагаар ханган зөвлөгөө өгөх зорилгоор Нийгмийн түншлэгч талуудтай хамтарсан үзлэг шалгалтын бүрэлдэхүүнд орж, тус аймгийн Баян-Өндөр сумын Оюут, Уурхайчин, Дэнж, Бүрэнбүст, Баянцагаан багууд, Жаргалант суманд байрлах сургууль, цэцэрлэг, үйлдвэрлэл, үйлчилгээ эрхлэгч аж ахуйн нэгж нийт 23 байгууллагыг хамруулан үзлэг шалгалтыг хийлээ.

Үзлэгийн явцад газар дээр нь холбогдох заавар зөвлөгөө өгч, шаардлагатай эрх зүйн баримт бичиг болон стандартын танилцуулгыг хийж ажиллав.  

СТАНДАРТ, ХЭМЖИЛ ЗҮЙН ГАЗАР. 2017 он